‘राज्जा रानी’ को ट्रेलर सार्वजनिक

कमेडी जानरामा यम थापा निर्देशित उक्त फिल्ममा कामेश्वर चौरासिया, दीपक क्षेत्री, अरुण रेग्मी, सरिता राजोपाध्याय, अनुज पाण्डे, संगीता नापित, अनुज थापालगायतको अभिनय रहेको छ ।
आर्यन फिल्म्सको ब्यानरमा रमेश एमके पौडेलको निर्माण रहेको फिल्मलाई यम थापाले नै लेखेका हुन् । तराईको पृष्ठभूमिमा कथा वाचन गरिएको फिल्मलाई पुरुषोत्तम प्रधानले खिचेका हुन् भने चन्दन दत्तको सम्पादन रहेको छ । फिल्ममा ताराप्रकाश लिम्बू र दीपक शर्माको संगीत रहेको छ । पुस २१ मा देशव्यापी प्रदर्शन थाल्न लागेको उक्त फिल्म मैथिली भाषामा समेत डब गरेर सोही दिन रिलिज गरिने बताइएको छ ।