अजित र शहनाज भए ‘मिस्टर एन्ड मिस कल्चर एन्ड टुरिज्म’

ब्युटी कन्टेस्ट
कान्तिपुर संवाददाता

दमौली — पहिलोपटक यहाँ आयोजित मिस्टर एन्ड मिस कल्चर एन्ड टुरिज्म प्रतिस्पर्धामा अजित घर्तीमगर र सहनाज शेख विजेता भएका छन् ।

संस्कृति संरक्षणसँगै पर्यटन प्रवद्र्धनका लागि भन्दै आयोजित प्रतिस्पर्धामा उल्लेख्य संख्यामा तन्नेरीहरू सहभागी भए । मिस कल्चरको उपाधि विजेता शेखले पर्यटन क्षेत्रमा लाग्ने चाहना रहेको बताइन् । ११ कक्षाकी विद्यार्थीले पुरस्कारबापत ३० हजार रुपैयाँ प्राप्त गरिन् । उनलाई ‘मिस पोखरा’ ममता जोशीले ताज लगाइदिएकी थिइन् ।

मिसतर्फ नै कञ्चन दुरा फस्र्ट रनरअप र शिल्पा थापामगर सेकेन्ड रनरअप भए । उनीहरूले क्रमश: १५ हजार र १० हजार रुपैयाँ पाए ।

मिस्टरतर्फका विजेता घर्तीमगरले जिल्लामा जातजातिको संस्कृति संरक्षणका लागि काम गर्ने रहर भएको बताए । यसमा मनोज आलेमगर फस्र्ट रनरअप र मनोज थापा सेकेन्ड रनरअप भए ।

प्रकाशित : मंसिर १९, २०७४ ०८:०४
ADVERTISEMENT
प्रतिक्रिया
पठाउनुहोस्
ADVERTISEMENT

हत्याका मुख्य योजनाकार पक्राउ

सोमबार प्रकाशित ‘गौचन हत्याका मुख्य योजनाकार पक्राउ’ समाचारअन्तर्गत निर्माण व्यवसायी महासंघका अध्यक्ष शरदकुमार गौचनको हत्याका मुख्य योजनाकार समिरमान बस्नेत पक्राउ पर्नु सुखद विषय हो ।

पैसाको विषयमा मान्छे मार्न पछि नहट्ने यस्ता अपराधिहरू नेपालमा धेरै छन् । यिनीहरू आफ्नो आम्दानीको रूपमा चन्दा, कमिसन र ठेक्कापट्टाबाट बलको प्रयोग गरी लिने गर्छन् । मुख्य कुरा त यिनीहरू राजनीतिक संरक्षणमा रहन्छन् । विभिन्न दलका नेताहरू आफ्नो दल र व्यक्तिगत स्वार्थका लागि यिनीहरूको प्रयोग गर्छन् । नेपालमा रहेका यस्ता गुन्डाका नाइके अपराधीहरूलाई तह लगाउन प्रहरी प्रशासन र राज्यले सही भूमिका खेल्नुपर्ने देखिन्छ नत्र भने फेरि पनि यस्ता घटना नदोहोरिएलान् भन्न सकिन्न ।
– विकास ढकाल
काठमाडौं

प्रकाशित : मंसिर १९, २०७४ ०८:०४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT