साइकलमै सरर

जापान साइकल चलाउन पनि संसारकै उत्तम स्थानमध्ये हो भन्नेचाहिँ सायदै सोच्नुभयो होला । जापानमा तपाईं जहाँ जानुस्, मानिसहरू साइकलमै आफ्नो दैनिकी चलाइरहेका भेटिन्छन् । चाहे स्कुले बालबालिका हुन् या हजुरआमाहरू, सबै उमेर समूहका जापानीहरू साइकलमा देखिन्छन् ।
जापानी सहरहरूमा साइकल स्थानीय यातायातको उत्तम साधन हुनुमा केही कारणहरू छन् । केही पूर्वाधार त केही सहरी डिजाइनका कारण । तर के देखिन्छ भने, साइकल चढ्नु जापानीको स्वभावै हो । सडकमा उनीहरूले देखाउने विनम्रता पनि उत्तिकै सराहनीय छ । साढे १२ करोड जनसंख्या भएको जापानमा सवा ७ करोड बाइसाइकल छन् । हरेक वर्ष एक करोड नयाँ साइकल बिक्री हुन्छ । यहाँ सार्वजनिक यातायात प्रभावकारी छ भने कार महँगो मानिन्छ । साइकलले जापानी यातायात पर्यावरणलाई स्वच्छ राख्न सघाएको छ । यी तस्बिरहरू जापानको राजधानी टोकियो र अर्को सहर ओसाकामा गत नोभेम्बर र डिसेम्बरमा खिचिएका हुन् ।