अनुगमन गर्दा मन्त्रीको गाडी तोडफोड

गणेश चौधरी

टीकापुर — टीकापुरको बजार अनुगमनको क्रममा शनिबार आपूर्ति राज्यमन्त्रीको गाडी तोडफोड भएको छ । पसल सिल गर्ने क्रममा भएको विवादमा स्थानीय व्यापारीले राज्यमन्त्री कर्णबहादुर विक चढेको गाडीमा क्षति पुर्‍याएका हुन् ।

विवाद हुँदा बा १ झ ९६९९ नम्बरको गाडीको सिसा तोडफोड गरिनुका साथै झन्डा पनि च्यातिएको थियो । गाडीको सिसा टीकापुर उद्योग वाणिज्य संघले मर्मत गरीदिने भनेपछि विवाद हाललाई साम्य भएको छ । अनुगमनका विषयमा भएको अवरोधबारे अनुगमन टोली, कैलालीका प्रमुख जिल्ला अधिकारी, टीकापुर नगरपालिकाका मेयर, टीकापुर उद्योग वाणिज्य संघका पूर्वअध्यक्षहरूबीच छलफल भएको थियो । छलफलमा राज्यमन्त्री विकले आगामी दिनमा यस्तो नगर्न निर्देशन दिए ।

Yamaha

टीकापुर बजारमा रहेको विष्ट आयल स्टोर, बलायर किराना पसल र अमृत गौतम किराना पसलमा अनुगमन गरिएको हो । अनुगमनका क्रममा विष्ट आयल स्टोरको पेट्रोलको मात्रा कम र डिजलको मात्रा बढी गइरहेको भेटिएको जनाइएको छ ।

बलायर किराना पसल र अमृत गौतम किराना पसलबाट म्याद नाघेका तथा उत्पादन मिति उल्लेख नभएका विभिन्न खाद्य सामान, चाउचाउ, चिउरा,डालडा, सुजी, गुट्खा, बिस्कुटलगायत सामान फेला परेको आपूर्ति मन्त्रालयका शाखा अधिकृत गोविन्द लुइँटेलले जानकारी दिए ।

अनुगमनका क्रममा पसलमा रहेका अधिकांश सामानमा उत्पादन मिति गुज्रेका तथा उल्लेख नभएकाले पसल सिल गर्ने क्रममा विवाद भएको थियो । व्यापारीले सिलबन्दी नभई प्रक्रियामा गई कारबाहीको माग गरेका थिए ।

प्रकाशित : आश्विन ९, २०७४ १०:१७
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

ओमनमा खाडीका राजदूतहरूको सम्मेलन

सम्मेलनमा प्रधानमन्त्री देउवा, परराष्ट्रमन्त्री महरा र श्रममन्त्री मन्सुर सहभागी हुने
होम कार्की

काठमाडौं — वैदेशिक रोजगारीमा गएका नेपाली कामदारको हित र सुरक्षाको विषयमा नेपाली दूतावासहरूका कामलाई प्रभावकारी बनाउनका लागि सरकारले ओमनमा मंगलबार खाडी राजदूतहरूको सम्मेलन गर्ने भएको छ ।

संसदको अन्तर्राष्ट्रिय सम्बन्ध तथा श्रम समितिले राजदूतहरूको सम्मेलन गरी आवश्यक नीति बनाउन सरकारलाई निर्देशन दिएपछि ओमनमा सम्मेलन हुन लागेको हो । राजदूतको सम्मेलनका लागि ओमनस्थित नेपाली दूतावासले समन्वय गरिरहेको छ । 

प्रधानमन्त्री शेरबहादुर देउवा, परराष्ट्रमन्त्री कृष्णबहादुर महरा र श्रममन्त्री फरमुल्लाह मन्सुरको उपस्थितिमा राजदूतहरूको सम्मेलन हुन लागेको हो । सम्मेलनमा साउदी अरब, कतार, कुबेत, यूएई, बहराइन र ओमनस्थित नेपाली राजदूतहरूको सहभागिता रहनेछ । देउवाले ओमनको उच्चतहमा कूटनीतिक भेटघाट गर्नेसमेत कार्यक्रम छ । 

सम्मेलनमा सहभागी हुन अमेरिकामा रहेका प्रधानमन्त्री देउवा र परराष्ट्रमन्त्री महरा सोमबार ओमन पुग्नेछन् । श्रममन्त्री मन्सुर आइतबार ओमन प्रस्थान गर्नेछन् । उनीहरू तीन दिनसम्म ओमन रहने कार्यक्रम छ । 

‘सबै राजदूतहरूले नेपाली कामदारको हितको विषयमा के कस्तो काम गरेका छन् । हामीले गन्तव्य देशहरूसँग गरिरहेको श्रम सम्झौताको प्रगति के भयो भन्नेलगायत आआफ्नो विवरण पेस गर्नेछन्,’ श्रममन्त्री मन्सुरले कान्तिपुरलाई भने, ‘वैदेशिक रोजगारीको क्षेत्रमा देखिएको समस्यालाई समाधान गर्नका लागि उनीहरूले कस्तो मार्गचित्र देखेका छन् ? त्यो विषयमा छलफल हुन्छ ।’ 

मन्सुरले खाडीमा कार्यरत नेपालीले भोगिरहेका समस्यालाई हल गर्न सरकार प्रयासरत रहेको बताए । ‘गन्तव्य देशको वस्तुस्थितिलाई नजिकबाट हेर्ने, मूल्यांकन गर्ने र त्यसलाई समाधानका लागि भूमिका खेल्ने काम दूतावासबाटै हो,’ उनले भने, ‘कहाँ–कहाँ अप्ठयारो पर्छ । त्यहाँ सरकारले सहजीकरण गर्ने, आवाश्यक नीति बनाउने र बजेट उपलब्ध गराउने काम गर्नेछ ।’ उनले राजदूतहरूको सम्मेलनबाट वैदेशिक रोजगारीको क्षेत्रलाई सम्बोधन गर्न ठोस नीति आउने आशा राखेको बताए ।

प्रकाशित : आश्विन ९, २०७४ १०:१७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्