फूलमान वललाई ‘प्रतिभा पुरस्कार’

कान्तिपुर संवाददाता

लन्डन — शनिबार बेलायतको हाइवेकममा प्रतिष्ठानकी नवनिर्वाचित अध्यक्ष दीपा लिम्बु राईको अध्यक्षतामा बसेको प्रतिष्ठानको बैठकले वरिष्ठ श्रष्टा वेणु आचार्यलाई ‘प्रतिभा सम्मान’ र युवा श्रष्टा फूलमान वललाई ‘प्रतिभा पुरस्कार’ प्रदान गर्ने निर्णय गरेको हो ।

नेपाली प्रतिभा प्रतिष्ठान, बेलायतले यसवर्षको सम्मान तथा पुरस्कार घोषणा गरेको छ ।

सम्मानमा २० हजार नगद, ताम्रपत्र र दोसल्ला छ भने पुरस्कारमा एक लाख रुपैयाँ नगद राशी र ताम्रपत्र रहेको प्रतिष्ठानले जनाएको छ ।

आचार्यका ‘असमान यी धर्तीका तस्विरहरु’ र ‘एक चोक्टा इतिहास’ गरी दुई कविता र एक मुक्तक संग्रह प्रकाशित छन् । उनले ‘छायाँ’, ‘प्रेरणा’, ‘जनजागृति’, ‘कोसीका कोसेली’जस्ता साहित्यिक संकलन एवं पत्रिकाको सम्पादनसमेत गरेका छन् । उनी धरानका वम देवान, कृष्ण पाख्रिनहरुसँग समाज परिवर्तनका लागि साहित्यिक अभियान सन्चालन गर्ने पुराना स्रष्टा हुन् । उनलाई नेपाली कविताका क्षेत्रमा विशिष्ट योगदान पुर्‍याएवापत ‘प्रतिभा सम्मान’ प्रदान गरिने भएको हो । 

त्यसै गरी वि.सं. २०३६ साल असोज १२ गते तिमालको काभ्रेमा जन्मिएका वलका ‘काजोल खातुन’ कथासङ्ग्रह, ‘महाभारतकी मैच्याङ’ कवितासङ्ग्रह र ‘म्हेन्दोमाया’ नाटक प्रकाशित छन् भने उनले दुई वृत्तचित्रका अतिरिक्त ‘नीरफूल’ नामक चलचित्र लेखन तथा निर्देशन गरेका छन् । कविता, कथा, नाटक तथा चलचित्र आदिका माध्यमबाट नेपाली समाजको रुपान्तरणमा उल्लेखनीय योगदान पुर्‍याएवापत श्रष्टा वललाई ‘प्रतिभा पुरस्कार’ प्रदान गरिने भएको हो । 

सम्मान तथा पुरस्कार जनवरी अन्तिम साता काठमाडौंमा एक समारोह आयोजना गरी प्रदान गरिने प्रतिष्ठानका कोषाध्यक्ष देवेन्द्र खेरेसले जानकारी दिए ।     

सन् २००८ मा बेलायतमा स्थापित यस संस्थाबाट हालसम्म स्व. इश्वर मानन्धर, स्व. अम्बर गुरुङ, जीवी लुगुन, भक्तराज आचार्य, प्रा.डा. गोविन्दराज भट्टराई, बुंद राना, टेकवीर मुखिया, प्रद्युम्न श्रेष्ठ सिक्किम र भागीरथी श्रेष्ठ सम्मानित भइसकेका छन् । यसै गरी ‘प्रतिभा पुरस्कार’बाट यसअघि नवीन विभास, कुवेर राई, उपेन्द्र सुब्बा, श्रवण मुकारुङ, मोमिला जोशी, राजकुमार दिक्पाल, भूपाल राई, बीबी अनुरागी र टीका चाम्लिङ पुरस्कृत भइसकेका छन् ।    

बैठकले संस्था स्थापनाको एक दशक पुगेको विशेष अवसरमा भाषा, साहित्य तथा साङ्गीतिक क्षेत्रमा विशिष्ट योगदान पुर्‍याएवापत संगीत साधना प्रतिष्ठान, नेपाल (इटहरी, सुनसरी), सुदूर पश्चिमान्चल साहित्य समाज (धनगढी, कैलाली), र स्व. पारसमणि प्रधान शालिक संरक्षण समिति (सिलगुढी, पश्चिम बंगाल, भारत)लाई विशेष सम्मान गर्ने निर्णय गरेको महासचिव मिजास तेम्बेले बताए ।           

यसैबीच शनिबारै सम्पन्न प्रतिष्ठानको तेस्रो सम्मेलनले दीपा लिम्बु राईको अध्यक्षतामा गणेश राई र टंक वनेम उपाध्यक्ष, मिजास तेम्बे महासचिव, नरेश नाति सचिव, अन्जु अन्जली सहसचिव, देवेन्द्र खेरेस कोषाध्यक्ष र चोक गुरुङ सहकोषाध्यक्ष रहेको नयां कार्यसमिति चयन गरेको छ ।

प्रकाशित : कार्तिक २०, २०७४ १७:३१
प्रतिक्रिया
पठाउनुहोस्
ADVERTISEMENT

विद्यार्थीलाई पढाएर महराद्वारा प्राविधिक शिक्षालयको उद्घाटन

सरकारबाट बाहिरिएजस्तै हो : महरा
काशीराम डाँगी

रोल्पा — बिना विभागीय मन्त्री एवं माओवादी केन्द्रका नेता कृष्णबहादुर महराले आफैले जग्गा दान गरी निर्माण गरिएको रोल्पा पोलिटेक्निक इन्स्टिच्युटको उद्घाटन गरेका छन् । रोल्पाको लिबाङमा निर्माण गरिएको उक्त इन्स्टिच्युटमा महराले सोमबार विद्यार्थीलाई पढाएर कक्षाको सुरुआत गरेका हुन् ।

 

विद्यार्थीमाझ प्राविधिक शिक्षाबारे जानकारी गराउदै महराले सर्वसुलभ एवं गुणस्तरीय ज्ञान हासिल गरेर मात्र गरिबीबाट माथि उठ्न सकिने बताए । दाङबाट प्रतिनिधि सभाको उम्मेदवार बनेका महरा रोल्पाका बाम गठन्धनका उम्मेदवारलाई सघाउने उद्देश्यले उनी आफ्नो गृह जिल्लामा आएका हुन् ।

बोर्डमा नेपालको नक्सा बनाउदै महराले सडक सञ्जालबाट दक्षिणको दिल्ली र उत्तरको बेइजिङलाई जोडेर विकासको मुल फुटाउन सकिने बताए । ‘नेपालको विकास गर्न राष्ट्रिय एवं अन्तर्राष्ट्रिय गुरु योजना बनाउनु पर्छ’, उनले भने, ‘यसो हुन सके अबको पाँच वर्षपछि नेपालको मुहारै बदलिनेछ ।’ 

सरकारको चार करोड लगानीमा इन्स्टिच्युटका लागि भवनको निर्माण कार्य जारी छ । वार्षिक रुपमा ४० विद्यार्थीलाई पढाउन सकिने उक्त इन्स्टिच्युटलाई आवश्यक पर्ने जग्गा महरासहित स्थानीय हिराजंग कुँवर, लालबहादुर कवर र मुलबहादुर रोकासहितले रुपमा दान गरेका हुन् । उक्त शिक्षालय करिब ३६ रोपनी क्षेत्रफलमा निर्माण गरिएको छ । महराले करिब ३० रोपनी जग्गान शिक्षालयका लागि दान गरेका हुन् । 

सरकारबाट बाहिरिए जस्तै हो : महरा
यसैबीच महराले माओवादीका मन्त्रीहरु सरकारबाट बाहिरिसकिएको बताएका छन् । वाम गठबन्धनका उम्मेदवारहरुको उपस्थितिमा सोमबार लिबाङमा आयोजित पत्रकार भेटघाटमा महराले आफूसहित माओवादीका मन्त्रीहरुले छिट्टै औपचारिक रुपमा सरकार छोड्ने योजना रहेको समेत बताए । 

‘एक प्रकारले हामी सरकारबाट बाहिरिएका छौं’, प्रधानमन्त्री शेरबहादुर देउवाले माओवादी मन्त्रीहरुलाई जिम्मेवारीविहीन बनाई ‘विना विभागीय’ बनाएकोप्रतिरुपमा टिप्पनी गर्दै उपप्रधानमन्त्री सम्हालेका महराले भने, ‘तैपनि सरकार छिट्टै छोड्ने सुरसारमा छौं । पार्टीले पनि त्यसबारे छलफल चलाइरहेको छ ।’

वम गठबन्धनप्रति कार्यकर्तालाई विश्वास गर्न आग्रह गरेका महराले पार्टी एकताको लक्ष्य लिएर वाम तालमेल गरिएकाले पार्टीको केन्द्रीय नीतिप्रति सम्मान गर्न एमाले र माओवादी केन्द्रका कार्यकर्तालाई उनले आव्हान समेत गरे । रोल्पा लगायत मुलुकका हजारौं कार्यकर्ताले वाम गठबन्धनप्रति आशंका व्यक्त गरेको प्रसंग उठाउदै महराले भने, ‘कार्यकर्ताले जस्तै हामीले पनि एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाललाई पछि नहट्न भनेका छौं ।’ 

उनले दुई दलको नेतृत्व वाम गठबन्धनको सहमतिबाट पछि हटेमा परिस्थिति बिग्रने बताए । ‘केपी ओली र दाहाललाई सहमतिबाट पछि हटेमा पहिले नेतृत्व ‘ड्यामेज’ हुने र पछि दोस्रो तहका नेतृत्वले पनि विकार सहनु पर्ने सुझाव दिएका छौं’, उनले भने । 

प्रकाशित : कार्तिक २०, २०७४ १७:३१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT