‘फिर्के’ को नयाँ गीत

कान्तिपुर संवाददाता

काठमाडौं — सुलेमान शंकर ‘ईकु’ को प्रस्तुति रहेको फिल्म ‘फिर्के’ को पहिलो गीत सार्वजनिक भएको छ । ‘चट्टै...’ बोलको उक्त गीतमा सुलेमान आफैं नवनायिका कृष्टिना पौडेलसँग नाचेका छन् । रामचन्द्र काफ्ले र अञ्जु पन्तको युगल गायन रहेको गीतलाई सुवास भुसालले संगीत दिएका हुन् भने लेखु सहयात्रीले रचना गरेका हुन् । कविराज गहतराजको कोरियोग्राफी रहेको छ ।

पुस १४ गते रिलिज हुने क्रममा रहेको ‘फिर्के’ मा सुलेमान र कृष्टिनासहित अर्पण थापा, ऋचा शर्मा, विष्णु सापकोटा, अर्जुन गुरुङ, उज्ज्वल भण्डारी, पुरन थापालगायत कलाकारको अभिनय रहेको छ ।

रवि डंगोलको निर्देशन रहेको फिल्मलाई ओमलाल गुरुङ र राजेश श्रेष्ठले संयुक्त रूपमा निर्माण गरेका हुन् । अभिमन्यू निरबीको पटकथा लेखन रहेको फिल्ममा अष्ट महर्जनको द्वन्द्व निर्देशन, मित्र गुरुङको सम्पादन तथा रामकुमार केसीको छायांकन रहेको छ ।

 

प्रकाशित : मंसिर ३, २०७४ ०९:२८
ADVERTISEMENT
प्रतिक्रिया
पठाउनुहोस्

दीपलाई संगीत रत्न

कान्तिपुर संवाददाता

काठमाडौं — पाका गायक दीप श्रेष्ठको सांगीतिक योगदानको कदर गर्दै बिन्दवासिनी संगीत रत्न सम्मान २०७४ प्रदान गरिएको छ । शनिबार राजधानीमा विशेष कार्यक्रममाझ श्रेष्ठलाई ५० हजार रुपैयाँसहित संगीत रत्न सम्मान दिइएको हो ।

उनलाई गीतकार रत्नशमशेर थापा, किरण खरेल, संगीतकार प्रेमध्वज प्रधान, दीपक जंगमलगायत स्रष्टाले सम्मान हस्तान्तरण गरे । 

झन्डै पाँच दशक सांगीतिक क्षेत्रमा निरन्तर योगदान दिएका दीपको सांगीतिक यात्राबारे कार्यक्रममा डकुमेन्ट्रीसमेत देखाइएको थियो भने गायक अजर जंगमले दीपका कालजयी गीत गाएर सुनाएका थिए । 

उनले ‘कति कमजोर रहेछ...’, ‘हर रात...’, ‘मेरो आँखामा...’, ‘बितेका कुराले...’ लगायत दीपका गीत गाएका थिए । नेपाली गीत र संगीतको प्रवद्र्धनमा योगदान पुर्‍याएका विभिन्न सञ्चारकर्मीलाई पनि बिन्दवासिनी संगीत कला पत्रकारिता सम्मान दिइयो । 
अमरध्वज लामा, प्रतिमा श्रेष्ठ, अनुपा श्रेष्ठ, ध्रुव लम्साल, विजय नेपाल, रिता लिम्बू, विजन पराजुली, विष्णुप्रसाद गौतम र मधु शाहीलाई सम्मान गरिएको हो । 

कार्यक्रममा बिन्दवासिनी म्युजिक अवार्ड २०७४ का लागि मनोनयन प्रमाणपत्र पनि वितरण गरिएको थियो । पुस १५ गते ३२ विधाको मनोनयनमा परेकाहरूबाट बिन्दवासिनी म्युजिक अवार्ड दिइने आयोजकले बताएको छ । 

प्रकाशित : मंसिर ३, २०७४ ०९:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT