माडी नगरपालिका मेयरमा माओवादी केन्द्र विजयी

भरतपुर — चितवनको माडी नगरपालिका मेयरमा माओबादी केन्द्रका ठाकुरप्रसाद ढकाल बिजयी भएका छन्  । उनले ३८७३ मत ल्याएर विजयी भएका हुन् । कांग्रेसका खेमप्रसाद महतोले ३८२९ मत ल्याए । ४४ मतको अन्तरले ढकाल विजयी भएको निर्वाचन अधिकृत ईन्द्रकुमारी थपलियाले जानकारी दिइन् ।  ।

उपमेयरमा एमालेका ताराकुमारी काजीमहतो विजयी भएकी छन् । उनले ४६९० मत ल्याइन् । उपमेयरमा माओवादी केन्द्रकी सरिता महतोले ३८०४ मत मत ल्याएइन् ।

मतगणनाको सुरुदेखि अग्रस्थानमा रहेको एमालेका मेयर उम्मेदवार नारदमणि पौडेल अन्तिम नजितासम्म आइपुग्दा तेश्रो स्थानमा झरेका थिए । पौडेलको जित निश्चित भएको अनुमान गरिएको थियो । ९ वटा वडा रहेको माडीमा एमालेले ३, ६, ७, ८ र ९ नम्बर वटा वडा जितेको छ । माओबादी केन्द्रले २ र ४ नम्बर वडामा जितेको छ । काग्रेसले १ नम्बर वडामा जितेको छ । यही वडाले एमाले पछि परेको हो ।

राप्रपाका पूर्व मन्त्री बिक्रम पाण्डेको निर्वाचन क्षेत्रमा उसको पार्टीले एक स्थान पनि ल्याउन सकेन ।
२०६२ साल जेठ २३ मा चितवन माडीस्थित बाँदरमुडेमा माओवादीले थापेको एम्बुसमा एक यात्रुबाहक बस परेपछि माडी उपत्यका एकाएक चर्चामा आएको थियो ।

स्थानीय तह निर्वाचनमा बाँदरमुढे घटनाले माओवादीलाई घाटा लाग्ने अन्य दलको अनुमान फेल खाएको छ । जितसँगै ढकालले जनताको जीत भएको प्रतिक्रिया दिए । २१६७२ मतदाता रहेको यो नगरपालिकामा १६३७१ मत खसेको थियो ।

प्रकाशित : जेष्ठ ४, २०७४ २३:४७
ADVERTISEMENT
प्रतिक्रिया
पठाउनुहोस्

२५ वर्षे विरासत तोड्दै बनेपा नगरपालिकामा एमाले विजयी

नगेन्द्र अधिकारी

काभ्रे — नेपाली कांग्रेसको २५ वर्षे विरासत तोड्दै नेकपा एमालेले बनेपा नगरपालिकाको प्रमुख तथा उपप्रमुख पदमा विजयी हासिल गरेको छ । एमाले उम्मेदवार लक्ष्मी नरसिंह बादे प्रमुख तथा रेखा सापकोटा दाहाल उपप्रमुख पदमा विजयी भएका हुन् । मतपरिणाम घोषणा भएको नगरपालिका मध्ये पहिलो पटक एमाले विजयी भएको हो ।



वादेले ११ हजार ४ सय ९ र रेखा सापकोटा दाहालले ११ हजार २ मत प्राप्त गरिनन् । प्रमुखमा निकटतम नेपाली कांग्रेसका राम जोशीले ९ हजार ६ सय ८८ र उपप्रमुखमा निर्मला श्रेष्ठले ९ हजार ९ सय ६० मत प्राप्त गरेका छन् ।

नेपाल प्रहरीका पुर्व एसएसपी बादेले सेवाबाट अवकाश प्राप्त गरेपछि राप्रपाको राजनीति शुरु गरेका थिए । राजा ज्ञानेन्द्रको शासनकालमा मनोनित नगर उपप्रमुख समेत बनेका उनी २०६३ सालमा नेकपा एमाले प्रवेश गरेका हुन् । २०६४ सालमा एमाले बनेपा नगर अध्यक्ष बनेका उनी त्यसयता निरन्तर छन् ।

२०४९ र २०५४ सालमा भएको दुवै स्थानीय तहको निर्वाचनमा विजयी भएको बनेपालाई नेपाली कांग्रेसको ‘गढ’ मानिन्थ्यो । २०३८ सालमा घोषणा भएको बनेपा नगरपालिकामा २०४९ सालको स्थानीय निकायको निर्वाचनमा नेकपा एमालेका मणिराज कायस्थलाई हराउँदै नेपाली कांग्रेसका रामभक्त कोख श्रेष्ठ विजयी भएका थिए । पूर्व सभासद समेत रहेकी एमाले नेतृ शिला कतिलालाई हराउँदै कांग्रेसका लोकनारायण भैल उपप्रमुखमा विजयी भएका थिए ।

कतिला पहिलो संविधासभा निर्वाचनमा एमालेको कोटामा मन्त्रीपरिषदबाट सभासद पदमा मनोनित भएकी थिइन् । २०५४ सालको स्थानीय तहको निर्वाचनमा कांग्रेसबाट बागी उम्मेदवारी पर्दा पनि कांग्रेसका डा.सुरेन्द्रबहादुर बादे श्रेष्ठ निर्वाचित भएका थिए । कांग्रेसबाटै राजीनामा दिएर स्वतन्त्र (बागी) उम्मेदवारी दिएका योगेन्द्रनाथ कर्माचार्य दोस्रो भएका थिए । एमालेका लम्बोदर कायस्थलाई हराउदै उपमेयरमा निर्वाचित कञ्चनचन्द्र बादे २०७० सालको संविधानसभामा निर्वाचित हुँदै अहिले उद्योग राज्यमन्त्री छन् ।

वडाध्यक्ष लगायतका पदमा पनि नेकपा एमालेले बहुमत हासिल गरेको छ । वडा नं ३, ४, ५, ६, ७, ८, १०, ११, १२, १४ नम्बर वडामा नेकपा एमाले र १, २, ८, ९ र १३ नम्बर वडामा नेपाली कांग्रेस विजय भएको छ ।

प्रकाशित : जेष्ठ ४, २०७४ २३:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT