सिन्धुलीको दुवै नगरपालिकामा एमालेको जित

राजकुमार कार्की

सिन्धुली — स्थानीय तहअन्तर्गत सिन्धुलीका दुईवटै नगरपालिका एमालेले हात पारेको छ । कमलामाई नगरपालिका र दुधौली नगरपालिकामा मेयर, उपमेयरसहित बहुमत वडाध्यक्षसहित एमाले विजयी बनेको हो । दुधौली नगरपालिकामा माओवादी उमेदवारसँग झिनो मतान्तरले एमालेले मेयर जितेको छ । दुधौली नगरपालिका मेयरमा एमालेका घनश्याम राउत ८५८९ मत प्राप्त गरी शुक्रबार निर्वाचित भएका छन् ।

उनका निकटतम प्रतिद्वन्द्वी माओवादी केन्द्रका दिनेश अधिकारी दनुवारले ८२२३ मत प्राप्त गरे ।

त्यस्तै उपमेयरमा एमालेकै बालकुमारी अधिकारी दनुवारले ८७४० मत प्राप्त गरि विजयी भइन् । उनका निकटतम प्रतिद्वन्द्वी कांग्रेसका चेतनारायण धामीले ८२१४ मत प्राप्त गरे । कमलामाई नगरपालिकामा एमालेका मेयर खड्गबहादुर खत्रीले  १११५२ मत प्राप्त गरि निर्वाचित भएका छन् । उनका निकटतम प्रतिद्वन्द्वी कांग्रेसका उपेन्द्र पोखरेलले ८३८८ मत प्राप्त गरेका छन् ।  त्यस्तै उपमेयरमा एमालेकै मन्जु देवकोटाले ९९२१ मत प्राप्त गरेर विजयी भएकी छिन् । उनको निकटतम प्रतिद्वन्द्वी कांग्रेसकी सुशीला थिङले ९५२३ मत प्राप्त गरिन् ।

प्रकाशित : जेष्ठ ५, २०७४ १०:२०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

नेपाली परियोजनालाई दुई करोड ४० लाखको पुरस्कार

दिनेशजंग शाह

न्युयोर्क — जैविक विविधता एवम् वन्यजन्तु संरक्षणसम्बन्धी एक नेपाली परियोजनाले झण्डै दुई लाख चालीस हजार अमेरिकी डलर अर्थात् दुई करोड ४० लाख बढी रकम बराबरको पुरस्कार जितेको छ । केटिक बेल्ट इन्कको ‘भर्टिकल युनिभर्सिटी’ परियोजनाले ‘द क्राउडराईज अर्थ डे रोडम्याप कलाईमेट च्यालेन्ज’मा दोस्रो स्थान प्राप्त गर्दै सो रकम जित्न सफल भएको हो ।

पर्यावरणसम्बन्धी यो अनलाईन प्रतिस्पर्धामा विभिन्न मुलुकमा परियोजनाहरुले सहभागी हुन्छन् भने सबैभन्दा बढी चन्दा संकलन गर्ने परियोजना पुरुस्कृत हुने गर्छ ।

चार सय ४१ दाताहरुले ‘भर्टिकल युनिभर्सिटी’ परियोजनालाई एक लाख ५७ हजार सात सय ८२ डलर सहयोग गरेका थिए । जसमा सबैभन्दा धेरै अमेरिकाबाट सहयोग गरिएको थियो । दोस्रो स्थान प्राप्त गरेबापत परियोजनाले थप ७५ हजार डलर जितेको छ भने चार हजार डलरको मिनी च्यालेन्ज पुरस्कार र तीन हजार डलरको अफलाईन चन्दासहित कूल दुई लाख ३९ हजार सात सय ८२ डलर संकलन गर्न सफल भएको छ । च्यालेन्जमा इण्डोनेसियास्थित बालीको ग्रीन स्कुलले पहिलो स्थान प्राप्त गरेको थियो ।

जैविक विविधता र वन्यजन्तु संरक्षणलाई मध्यनजर गरिएको ‘भर्टिकल युनिभर्सिटी’ परियोजनाले नेपालको पूर्वी क्षेत्रको ६७ मिटरको कोसी टप्पुदेखि आठ हजार पाँच सय ८६ मिटरको कञ्चनजंगा क्षेत्र समेटेको छ । सन् २०१४ मा केटिक बेल्ट इन्कले यो परियोजना बनाएको थियो भने करिब एक महिनादेखि ‘रोडम्याप कलाईमेट च्यालेन्ज’ प्रतिस्पर्धी थियो । परियोजनाको सहसंयोजकद्वय प्रियंका विष्ट, राजीव गोयललगायत एघार देशका चालीस स्वयम्‌सेवकहरु परियोजनालाई जिताउन सक्रिय थिए । सांगीतिक कार्यक्रम, मम पार्टी, भेला, टेलिफोनमार्फत सहयोगको लागि आह्वान गरिएको थियो ।

राजील गोयलले कान्तिपुरसँगको कुराकानीमा भने ‘एक महिनामा अथक् टिमवर्क र परिश्रमले हामी दोस्रो स्थान हासिल गर्न सफल भएका छौं । यो सफलतालाई पूर्वनिर्धारित सातवटा प्रोजेक्टमा केन्द्रित गर्नेछौं ।’ लोपोन्मुख जैविक विविधताको संरक्षणको लागि  स्थानीयवासीहरुलार्इ सहभागी गराउँदै भर्जिकल युनिभर्सिटीको परिकल्पनालाई मूर्तरुप दिने तयारी गरिएको गोयलले बताए । 

प्रकाशित : जेष्ठ ५, २०७४ १०:२०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT