मतान्तर फराकिलो पार्दै फोरम

पर्सा, राजपाका प्रभावशाली नेताहरूको जिल्ला भए पनि १४ मध्ये एउटा तहमा पनि उक्त पार्टीका उम्मेदवार विजयी भएनन्
भूषण यादव

वीरगन्ज — वीरगन्ज महानगरपालिकामा संघीय समाजवादी फोरम नेपालका मेयर उम्मेदवारले मतान्तर फराकिलो पार्दै गएका छन् ।

८४ हजार ४ सय ६४ मत खसेकोमा मतगणनाको सातौँ दिन साँझसम्म ६७ हजार २ सय ७६ मत गन्दा फोरमका विजय सरावगीले १५ हजार ६ सय ३५ मत प्राप्त गरेका छन् । कांग्रेसका अजय द्विवेदीले १४ हजार २ सय ५७ मत हासिल गरेका छन् । मतगणनाको सुरुवाती पाँच दिनसम्म कांग्रेसले अग्रता लिएको थियो । 

उपमेयरमा भने कांग्रेसकी शान्ति कार्कीले अग्रता कायमै राखेकी छन् । फोरमका तर्फबाट उपमेयर उम्मेदवार पिंकी यादवभन्दा उनी १ हजार ५ सय ६३ मतले अगाडि छिन् । कार्कीले १६ हजार चार सय ८३ र फोरमकी यादवले १४ हजार नौ सय बीस मत ल्याएका छन् । मेयरमा फोरमका उम्मेदवार सरावगी भने एक हजार तीन सय ७८ मतले अगाडि छन् । 

Yamaha

मतगणना बाँकी रहेका वडामा पनि आफ्नो पार्टीको अग्रता कायमै रहने फोरम जिल्ला अध्यक्ष प्रदीप यादवको दाबी छ । कांग्रेसको पूरानो भोट बैंक मानिएको वीरगन्जको माइस्थान, आदर्शनगर, विर्ता र रामटोल क्षेत्रबाट भोट नआएपछि आफ्ना उम्मेदवार पछाडि परेको नेताहरूले बताए ।

मतगणनामा सहभागी कांग्रेसका एक नेताका अनुसार ती टोलमा मेयर बाहेकका पदमा कांग्रेसका उम्मेदवारलाई मत आए पनि मेयरमा भने अन्य दललाई मत गएको पाइएको छ । १४ स्थानीय तह रहेको पर्सामा महानगर वाहेक ३ नगर र १० गाउँपालिकाको मतगणना सम्पन्न भइसकेको छ ।

पर्सागढी र बहुदरमाई नगरपालिकामा कांग्रेस विजयी भएको छ । पोखरिया नगरपालिकामा नेपाली जनता दलले जित हासिल गरेको छ । संघीय समाजवादी फोरम र माओवादी केन्द्रले तीन/तीन गाउँपालिका, एमाले दुई र नेपाली जनता दल र कांग्रेसले एक/एक गाउँपालिकामा जीत हासिल गरेका छन् । 

राष्ट्रिय जनता पार्टी (राजपा) ले पर्सामा एउटा तह पनि जित्न सकेन् । मत परिणाम आउन बाँकी रहेको महानगरमा पनि राजपाका उम्मेदवार तेस्रो नम्बरमा छन् । राजपाका प्रभावशाली नेताहरूको जिल्ला भएपनि १४ मध्ये एक तहमा पनि पार्टी विजयी हुन नसकेको हो । पार्टीका केन्द्रीय सदस्य तथा सांसद रमेश पटेलको वडामा संघीय समाजवादी फोरमका उम्मेदवार विजयी भएका छन् । नेपाल लोकतान्त्रिक फोरमको केन्द्रीय कोषाध्यक्ष तथा सांसद आशा चतुर्वेदी पनि सोही वडा निवासी हुन् । 

राजपाका अर्का केन्द्रीय सदस्य नेजामुद्दिन समानी पोखरिया नगरपालिकाको मेयरमा पराजित भएका छन् । नेपाली जनता दलका मन्टु रौनियार विजय भएको उक्त नगरपालिकामा समानी पाचौं स्थानमा थिए । राजपा महासचिव शिव पटेल बहुदरमाई नगरपालिकामा कांग्रेसका नितेन्द्र साहसँग फराकिलो मतले हारेका छन् । पार्टीका अर्का महानमन्त्री राजेशमान सिंह वीरगन्ज महानगरपालिकाका मेयरका उम्मेदवार हुन् । जारी मतगणनामा हालसम्म उनी तेस्रो स्थानमा छन् । राजपाका सहअध्यक्ष लक्ष्मण लाल कर्णको जगरनाथपुर गाउँपालिकामा माओवादी केन्द्र र वीरगन्ज महानगरमा उनी बस्ने वडा ९ मा संघीय समाजवादी फोरमका उम्मेदवारले जितेका छन् । 

राजविराजमा मतगणना जारी
राजविराज – सप्तरी सदरमुकाम राजविराज नगरपालिकाको मतगणना सोमवार पनि जारी छ । सोमवार साँझ सम्मको गणनामा मेयर पदमा राजपा नेपालका शम्भु यादव र उपमेयरमा राजपाकै साधना झाले अग्रता कायम राखेका छन् । उनीहरूलाई संघिय समाजवादी फोरम नेपालका उम्मेदवारहरूले पछयाइरहेका छन् । राजविराज नगरपालिकाको चारवटा वडाको मतगणना भने सकिएको छ । वडा नम्बर १ मा राजपाका चन्द्रशेखर चौधरी, ३ मा स्वतन्त्र उम्मेदवार सुर्दसन सिंह, ४ मा माओवादी केन्द्रका अख्तर अली र ५ नम्बर वडामा कांग्रेसका समिर झा वडाध्यक्षमा विजयी भएका छन् ।

Esewa Pasal

प्रकाशित : आश्विन १०, २०७४ ०८:४०
प्रतिक्रिया
पठाउनुहोस्
ADVERTISEMENT

‘हर्षभन्दा बढी चिन्ता’

सन्तोष सिंह

धनुषा — जनकपुर उपमहानगरपालिका–४ बाट दलित महिला सदस्यमा निर्वाचित कांग्रेसकी रामपरीदेवी चमार शपथग्रहण कार्यक्रममा सहभागी हुँदा हर्षभन्दा बढी चिन्तामा थिइन् ।

लेखपढ गर्न नसक्ने भएकाले उनको शपथपत्रमा जनकपुर २३ बाट निर्वाचित महिला सदस्य गीता ठाकुरले हात समाएर हस्ताक्षर गराउँदै थिइन् । रामपरी आफूले प्राप्त गरेको मत, पद र अब गर्नुपर्ने काम तथा जिम्मेवारीबारे अनभिज्ञ छिन् । 
स्थानीय निकायमा उम्मेदवार हुने सोचसमेत नभएकी गीता कांग्रेसबाट जनप्रतिनिधि चुनिएकी हुन् । ७ कक्षा मात्र पढेकी २५ वर्षीया गीताको विवाह भएको १० वर्ष भयो । २ सन्तानकी आमा उनी चुनावअघि चुलोचौकोमै व्यस्त थिइन् । ससुरा महेन्द्र ठाकुर पार्टी कार्यकर्ता भएकै कारण उनले चुनावमा टिकट पाइन् र विजयी पनि भइन् । 
चुनावमा भएको खर्च, आफूले पाएको मतबारे जानकारी नभए पनि उनले भनिन्, ‘टोलमा सरसफाइ, महिलालाई सीपमूलक तालिम, अधुरो मन्दिर निर्माण पूरा गर्ने योजना छ ।’ उनले गाउँको उब्जाउ फाँटमा बोरिङ निर्माण गर्ने योजना पनि सुनाइन् ।
२५ नम्बर वडाबाट निर्वाचित दलित सदस्य शैलोदेवी पासवान चुनावताका गाउँमा घुमेर मत माग्दा खुसी देखिन्थिइन् । अहिले निर्वाचित भइसकेपछि भने खुसीभन्दा झन्झट महसुस गरेकी छन् । सभा–गोष्ठीमा सहभागी हुने बानी नभएको र अध्ययन नहुँदा शपथग्रहण कार्यक्रममा सरिक भए पनि केही उच्चारण गर्न भने सकिनन् ।
स्थानीय तह चुनावमा राजनीतिक दलले दलित महिला सदस्य र महिला सदस्यलाई उम्मेदवार बनाएर जिताएका छन् । मधेसमा विकास योजनाका लागि बनाइने उपभोक्ता समितिमा कागजात पूरा गर्न मात्रै महिलालाई सदस्यमा राख्ने चलन छ । स्थानीय तहमा पनि त्यस्तै हुने अनुमान  स्थानीयको छ । मधेसमा महिलाहरू आफ्नो मताधिकारको स्वतन्त्रतापूर्वक प्रयोग गर्न सक्ने अवस्थामा छैनन । राजनीतिमा महिलाको पहुँच छैन । घरका अगुवा वा पतिले भनेकै ठाउँमा मतदान गर्ने महिला जनप्रतिनिधि स्थानीय तहमा कसरी काम गर्ने चुनौती थपिएको जनकपुरकी इन्दु सिंहले बताइन । 

प्राथमिकतामा सडक र विद्यालय
रौतहट– जिल्लाका १८ स्थानीय तहमा निर्वाचित जनप्रतिनिधिले गाउँ तथा नगर क्षेत्रको सडक र विद्यालयको शैक्षिक सुधारमा जोड दिएका छन् । 
गौर नगरपालिकामा निर्वाचित मेयर अजय गुप्ताले अव्यवस्थित सहर सफा बनाउन नागरिक समाज, नगरवासी, सञ्चारकर्मीलाई सघाउन आग्रह गरे । ‘म एक्लै सफल हुन सक्दिनँ,’ उनले भने, ‘सबैले सघाउनु पर्छ ।’ यस्तै अस्तव्यस्त रहेको माधवनारायण नगरपालिकालाई पनि नमुना नगरपालिका बनाउन आफूहरू लागिपरेको नवनिर्वाचित उपमेयर सिमलकुमारी साहले बताइन् । 

प्रकाशित : आश्विन १०, २०७४ ०८:४०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT