डोजरमा आगजनी, करिव १० करोड रुपैयाँ बराबरको क्षति
हेटौंडा — अज्ञात समूहले शिवम् सिमन्टको खानीमा प्रयोग गरिएको डोजरमा आगजनी गरेको छ । मकवानपुर गढी- ७ सुकौरामा रहेको खानीमा प्रयोग गरिएको ८ वटा डोजरमा समूहले आगजनी गरेको जिल्ला प्रहरी कार्यालय मकवानपुरले जनाएको छ ।
जिप्रकाका एसपी बसन्तकुमार लामाका अनुसार ८ वटा डोजर मध्ये ५ वटा जलेर ध्वस्त भएको छ भने बाँकी ३ वटामा क्षति पुगेको छ ।
प्रहरीले गएराति भएको आगजनी केकारणले र कसले गरेको भन्नेबारे अनुसन्धान सुरु गरेको लामाले बताए । उनक अनुसार करिव १० करोड रुपैयाँ बराबरको क्षति पुगेको छ । उक्त ठाउँ हेटौंडाबाट करिव डेढघण्टा पैदल दुरीमा रहेको छ ।
प्रकाशित : वैशाख २२, २०७४ ११:००प्रतिक्रिया