महानगर घोषणामा दलहरूको स्वागत

राष्ट्रिय जनता पार्टीले ब्याण्डबाजासहित निकालेको र्‍याली नगरपरिक्रमापछि कोणसभामा परिणत भएको थियो । सभामा पार्टीका मोरङ अध्यक्ष मो. कादिरले मधेस आन्दोलनका सहिदको रगतले घोषणा भएको महानगरपालिका र स्थानीय तह वृद्धिलाई सहिदको सम्मानस्वरुप स्वागत गरेको बताए ।

‘संविधान संशोधन नहुञ्जेल आफूहरू निर्वाचनमा जान सक्दैनौं,’ उनले भने, ‘आफूहरू मोरङमा निर्वाचनमा जान तयार रहे पनि सरकारले संविधान संशोधन नगरेर आफूहरूलाई निर्वाचनमा जानबाट रोक लगाउने षडयन्त्र गरेको छ ।’

उनले संविधान संशोधन नभएसम्म आफूहरूले यहाँ दोस्रो चरणको निर्वाचन सफल हुन नदिने प्रष्ट पारे । पोखरी युवा समाजले पनि र्‍याली प्रदर्शन गरेर महानगरपालिका घोषणाको स्वागत गरेको थियो । मओवादी केन्द्र मोरङले पनि पत्रकार सम्मेलन गरेर घोषणाको स्वागत गरेको छ ।