कञ्चनपुरको जिल्ला समन्वय समितिमा एमालेका उम्मेद्वार निर्विरोध

समन्वय समितिको प्रमुखमा फैरु तामाङ र उपप्रमुखमा सानु कुमारी बुडथापा निर्वाचित भएका छन् । तामाङ पुनर्वास नगरपालिका-३ बाट निर्वाचित वडाध्यक्ष समेत हुन् । यसैगरी सदस्यमा बलराम पन्त, लक्ष्मण राना र डिठ्ठा राना तथा महिला सदस्यमा इकरानी राना, सुन्नरी देवी कडारा तथा दलित महिला सदस्यमा गड्डीदेवी राना निर्वाचित भएको मुख्य निर्वाचन अधिकृतको कार्यालयले जनाएको छ ।

समन्वय समितिका निर्वाचित पदाधिकारीहरुले आइतबारै सपथ तथा पदभार ग्रहण गरेका छन् । ९ स्थानिय तह रहेको कञ्चनपुरमा एमालेको बहुमत भएका कारण अन्य दलले समन्वय समितिमा उम्मेद्वारी नदिएका हुन् ।