डा.केसीको समर्थनमा सुर्खेतका चिकित्सकहरु आन्दोलित

केसीका मागप्रति ऐक्यवद्धता जनाउँदै मध्यपश्चिम क्षेत्रीय अस्पतालमा कार्यरत चिकित्सकहरुले दुई दिनदेखि हातमा कालोपट्टी बाँधेर बिरामीको उपचार गरिरहेका छन् । 

मेडिकल शिक्षा र स्वास्थ्य सेवा सुधारको माग राखी केसी १८ दिनदेखि अनशनमा छन् । पटक–पटक गरिएका सम्झौता सरकारले पालना नगरेको भन्दै चिकित्सकहरुले आपत्ति जनाएका छन् ।
 
‘केसीले उठाएका जायज मागहरु पुरा गरी उहाँको जीवन रक्षा गर्न समेत माग गर्दछौं,’ चिकित्सक ड रबिन खड्काले भने, ‘११ पटक अनसन बस्दा पनि राज्य उदासिन हुनु दुखद कुरा हो ।’ 

नेपाल मेडिकल एशोसिएसनका सचिव डा. नवराज केसीले अनसनरत केसीको जीवन रक्षार्थ आवश्यक कदम नचालिए सिंगो स्वास्थ्य सेवा ठप्प पारिने चेतावनी दिए ।