खेतीयोग्य जमिन बगर

भाद्र २६, २०७४कान्तिपुर संवाददाता

हेटौंडा — अविरल वर्षापछिको बाढीले यहाँको ३६० रोपनी खेतीयोग्य जमिन बगर बनेको छ । छतिवन, हाँडीखोला, आमभञ्ज्याङ र हेटौंडा उपमहानगरपालिकाका विभिन्न भागका उर्वरा जमिन खोलाले कटान गरेको हो ।

कृषि विकास कार्यालय प्रमुख निर्मल गदालका अनुसार निरन्तरको वर्षाले जिल्लाको मुख्य बालीका रूपमा रहेको मकै र धान बालीलाई क्षति पुगेको छ । जिल्लाको खेतीयोग्य जमिन बगाएको, बगरमा परिणत भएको र जलमग्न भएकाले उत्पादनमा ह्रास आउने कृषि कार्यालयले जनाएको छ ।