मध्यपश्चिमाञ्चल विश्वविद्यालयको भर्ना रोक्न माग गर्दै सर्वोच्चमा रिट दायर
सुर्खेत — मध्यपश्चिमाञ्चल विश्वविद्यालय (एमयू) विरुद्ध सर्वोच्च अदालतमा पुन: अर्को रिट परेको छ ।
राजधानीका निजी कलेजलाई सम्बन्धन दिएको विरुद्धमा परेको मुद्दा विचाराधिन रहेको अवस्थामा भर्ना आवेदन लिएको भन्दैमा रिट दायर भएको हो ।
मध्यपश्चिमाञ्चल विश्वविद्यालय (एमयू) विरुद्ध सर्वोच्च अदालतमा पुन: अर्को रिट परेको छ ।
राजधानीका निजी कलेजलाई सम्बन्धन दिएको विरुद्धमा परेको मुद्दा विचाराधिन रहेको अवस्थामा भर्ना आवेदन लिएको भन्दैमा रिट दायर भएको हो । अधिवक्ता जगदिश आचार्यले काठमाडौंस्थित ग्लोबल इन्टरनेसनल कलेजले बिबिए प्रथम वर्षका लागि भर्ना खुलाएकाले त्यसलाई रोक्न अन्तरिम आदेशको माग गर्दै रिट दायर गरेका हुन् ।
रिट निवेदनमा मध्यपश्चिमाञ्चल विश्वविद्यालय केन्द्रीय कार्यालय सुर्खेत, सिनेट, उपकूलपति, ग्लोबल इन्टरनेशनल कलेज, नेपाल इन्जिनियरिङ कलेज र प्रेसिडेन्सियल बिजिनेस गु्रपलाई विपक्षी बनाइएको छ । अदालतले सुनुवाइका लागि आइतबार पेशी तोकेको छ ।
प्रकाशित : आश्विन २१, २०७४ १९:४२
