ताप्लेजुङमा नेकपा माओवादीका आठ कार्यकर्ता पक्राउ

प्रहरी नायव उपरीक्षक ज्ञानेन्द्र बस्नेतका अनुसार मेची अञ्चल व्युरो सदस्य सकल भनिने सागर लिम्बु, जिल्ला सचिवालय सदस्य तथा विद्यार्थी संगठनका केन्द्रीय सदस्य राजु दास, विद्यार्थी संगठनका अध्यक्ष गणेश कार्की डोली पक्राउ परेका हुन् ।

जिल्ला जनपरिषद् उप-प्रमुख राकेश भनिने राजेन्द्र दाहाल, सदस्यहरु प्रशान्त लिम्बु, ध्रुव भनिने धनबहादुर लिम्बु, प्रेमलाल चौहान र चन्द्र शेर्पा पक्राउ परेका छन् । निर्वाचन विरोधी गतिविधि गरेको आरोपमा उनीहरुलाई पक्राउ गरिएको प्रहरीले जनाएको छ ।