उत्कृष्ट १० करदाता सम्मानित

कान्तिपुर संवाददाता

पोखरा — आन्तरिक राजस्व कार्यालय पोखराले छैटौं राष्ट्रिय कर दिवसको साताव्यापी कार्यक्रमको समापनमा उत्कृष्ट १० करदातालाई बिहीबार सम्मान गरेको छ । कार्य क्षेत्रभित्रका १० जिल्लाबाट एक/एकजना करदातालाई सम्मान गरेको हो ।

सम्मानित हुनेमा पोखरा इन्जिनियरिङ कलेज, तनहुँको शुभकामना बहुउद्देश्यीय सहकारी, लमजुङको रिलायवल माइक्रो फाइनान्स, स्याङजाको सूर्योदय लघुवित्त, गोरखाको कसमस डेभलपमेन्ट बैंक र मनाङको सी एन्ड सी कन्ट्रक्सन छन् । त्यसैगरी पर्वतको स्नेहा किराना स्टोर्स, बागलुङको सीवाईसी बचत तथा ऋण सहकारी, म्याग्दीको बेनी बचत तथा ऋण सहकारी र मुस्ताङको रामलक्ष्मी डिस्टिलरी पनि सम्मानित भए । क्षेत्रीय प्रशासक लक्ष्मण अर्यालले ती संस्थाका प्रमुख तथा प्रतिनिधिलाई सम्मानपत्र र दोसल्लाले सम्मान गरे ।

गण्डकी धौलागिरि अञ्चलका १० जिल्ला कार्यक्षेत्र भएको कार्यालयले आयकर, मूल्य अभिवृद्धि कर, अन्त:शुल्क, शिक्षा सेवा शुल्क, स्वास्थ्य सेवा कर संकलन र कर प्रशासनको काम गर्दै आएको छ ।

यी जिल्लामा ४६ हजार ६१ व्यक्तिगत स्थायी लेखानम्बर, ७१ हजार ८ सय ६२ व्यावसायिक लेखा नम्बर, ६ हजार ६ सय ६९ अन्त:शुल्क इजाजत र १० हजार ८ सय २३ मूल्य अभिवृद्धि कर दर्ता भएका कार्यालय प्रमुख केशव उप्रेतीले बताए । उनका अनुसार कार्यालयबाट चालु आर्थिक वर्षमा ८ अर्ब ६३ करोड ८३ लाख रुपैयाँ कर संकलनको लक्ष्य छ ।

प्रकाशित : मंसिर ८, २०७४ ०८:३४
ADVERTISEMENT
प्रतिक्रिया
पठाउनुहोस्
ADVERTISEMENT

‘मानव अधिकार’ अवस्था खस्कँदो

कान्तिपुर संवाददाता

धरान — पूर्व क्षेत्रमा मानव अधिकार अवस्था खस्कँदो रहेको मंगलबार आयोजित छलफलका सहभागीले बताएका छन् । मानव अधिकार आयोग पूर्वाञ्चल क्षेत्रीय कार्यालय विराटनगरले गरेको छलफल कार्यक्रममा क्षेत्रीय प्रमुख मञ्जु थापाले खस्कँदो अवस्थाप्रति चिन्ता व्यक्त गरिन् ।

उनका अनुसार पछिल्लो समय मानव अधिकारको सवालमा सबैभन्दा बढी न्याय सेवाप्रतिको गुनासो आएको छ । आर्थिक, सामाजिक, राजनीतिक सम्बद्ध घटनालाई कानुनी दायरामा ल्याउन आवश्यक उजुरी प्रहरी प्रशासनले नलिने, कारबाहीमा आलटाल गरी मेलमिलापका लागि दबाब दिने प्रवृत्ति बढेको पाइएको छ । स्थानीय तह क्रियाशील भएको अवस्थामा पनि संक्रमणकालीन अवस्था विद्यमान रहेकाले अधिकारबाट वञ्चित रहनुपर्ने अवस्था छ । 

 

प्रकाशित : मंसिर ८, २०७४ ०८:३४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT