मतदाता लोभ्याउन विकासे नारा

त्यही क्षेत्रबाट नेमकिपाले सञ्चारकर्मी सरोजराज गोसाईंलाई अघि सारेको छ । गोसाईं मत माग्दै समग्र प्रदेशको विकासका लागि जनपक्षीय नीतिको कक्षा सञ्चालन गर्छन् । 
भक्तपुर क्षेत्र नम्बर २ मा प्रदेश ‘क’ मा पर्ने सूर्यविनायक नगरको १ देखि १० वडा पर्छन् । प्रदेशसभा सदस्य उम्मेदवारहरू यतिखेर विकासे नाराले लोभ्याउँदै मतदातासमक्ष हात थापिरहेका छन् । थापा २०४९ र २०५४ को निर्वाचनमा सिरुटार गाविसका अध्यक्ष थिए । थापाले मतदातालाई भक्तपुरलाई ३ नम्बर प्रदेशको राजधानी बनाउने आश्वासनसमेत बाँडिरहेका छन् । प्रस्तावित भक्तपुर चक्रपथलाई पूर्णता दिने, आधुनिक प्रविधियुक्त सामुदायिक अस्पताल निर्माण गर्ने, प्राणी उद्यानको पूर्णता, बालकुमारी–बालकोट–घ्याम्पेडाँडा हुँदै साँगासम्म चार लेन सडक निर्माण, प्राविधिक शिक्षालय सञ्चालन गर्ने उनको प्रतिबद्धता छ । प्रदेशकै नमुना विश्वविद्यालय सञ्चालन, अन्तर्राष्ट्रिय स्तरको सभागृह निर्माणलाई चुनावी मुद्दा बनाएका छन् । 
 थापाका प्रतिस्पर्धी कांग्रेसका उम्मेदवार खडका पार्टीका क्षेत्रीय कोषाध्यक्ष हुन् । खडकाले राजनीतिमा देखिएको कमजोरी सुधार गरी आफ्नो प्रदेशको विकास गर्न उम्मेदवारी दिएको बताए । उनीहरूका प्रतिस्पर्धी नेमकिपाका केन्द्रीय सदस्य गोसाईं मजदुर दैनिकका सम्पादक हुन् । स्वरोजगार कोष स्थापना गर्ने र कृषि सहकारी सञ्चालन गरी प्रत्येक व्यक्तिलाई रोजगार बनाउने लोकतान्त्रिक गठबन्धनका उम्मेदवार खडकाको मुख्य चुनावी मुद्दा हो । खण्डीकृत जग्गा व्यवस्थित गर्ने, आधुनिक प्रविधियुक्त व्यावसायिक कृषिको प्रोत्साहन, घरेलु उद्योगको व्यवस्थापन तथा रोजगारमूलक सीप प्रवद्र्धनका लागि पार्टीले आफूलाई उभ्याएको खड्का बताउँछन् ।
संविधानअनुसार प्रदेशसभाको २१ अधिकार क्षेत्रभित्र रहेर जनपक्षीय कानुन निर्माण र कार्यान्वयनको दबाबमा सक्रियतापूर्वक लाग्ने उनको प्रतिबद्धता छ । गोसाईंले नीतिगत सिद्धान्तसँगै आर्थिक समानता, सामाजिक न्याय र व्यक्तित्व विकासमा समान अवसरको निम्ति आवश्यक कानुन बनाउन, शिक्षा, स्वास्थ्य, स्थानीयस्तरमै रोजगारको व्यवस्था गर्न पनि आफूलाई मत दिन भन्दै घरदैलो गरिरहेका छन् । भक्तपुर क्षेत्र नम्बर २ प्रदेश ‘क’ मा थापा, खडका, गोसाईंसहित १० उम्मेदवार छन् । 
मध्यपुरलाई नमुना क्षेत्र बनाउने
भक्तपुर निर्वाचन क्षेत्र नम्बर २ प्रदेश ‘ख’ का उम्मेदवारहरू प्रदेशलाई नमुनायोग्य बनाउने प्रतिबद्धतासहित मतदाता भेटघाटमा व्यस्त छन् । मध्यपुर थिमी नगरपालिका यो प्रदेशमा पर्छ । वाम गठबन्धनका उम्मेदवार एमाले नेता राजेन्द्रमान श्रेष्ठले व्यवस्थित सडक सहज यातायात, व्यवस्थित आवास, सर्वसुलभ शिक्षा प्राविधिक ज्ञान, शुद्ध खानेपानी पोषणयुक्त खाद्य, कला, संस्कृति, सम्पदाको प्रवद्र्धनमा जोड दिएका छन् । उनले आफ्नो प्रदेशलाई नमुनायोग्य बनाउने योजना घोषणासहित मत माग्दै छन् । संविधान कार्यान्वयनमा सक्रिय रूपमा लागि प्रदेशको समस्या समाधानमा दिलो ज्यानले लाग्ने उनी बताउँछन् । 
लोकतान्त्रिक गठबन्धनका उम्मेदवार गणेशमान चक्रधरको चुनावी मुद्दा पनि लगभग उस्तै छ । उनी कांग्रेसका पूर्व जिल्ला सभापति हुन् । चक्रधर मध्यपुरलाई पर्यटकीय स्थल, आधुनिक कृषि परियोजना, हस्तकलाको प्रवद्र्धनलगायतको योजना अघि सार्दै चुनावी मैदानमा छन् । घरदैलो अभियान सकाएर कार्यकर्ता, शुभचिन्तकसँग चोक तथा कोठे भेटघाटमा व्यस्त रहेको बताउँछन् । स्थानीय निर्वाचनमा नगर प्रमुख पदमा एमाले निर्वाचित भए पनि ९ वटा वडामध्ये ६ वडा कांग्रेसले जितेको थियो । यसका आधारमा पनि आफ्नो जित सुनिश्चित रहेको चक्रधरले बताए । नेमकिपाका उम्मेदवार प्रेमजन थापाले मुलुक र प्रदेशको विकासको आर्थिक समानता, सामाजिक न्याय र व्यक्तिगत विकासमा समान अवसर प्रदान गर्ने कानुन बनाउन, स्वास्थ्य शिक्षा नि:शुल्क र स्वदेशमै रोजगारीको बन्दोबस्त गर्न भन्दै घरदैलो गरिरहेका छन् । विद्यार्थी राजनीतिबाट सक्रिय थापा २०४४ को स्थानीय निर्वाचनमा बोडे आदर्श गाउँ पञ्चायत वडा ४ मा उम्मेदवारी दिएका थिए । उनले महँगी, भ्रष्टाचार र कमिसनतन्त्र नियन्त्रण गराउन, नेपाल भारत खुला सीमा नियमित गराई दुई देशको हित गर्न, प्रतिनिधि र प्रदेशसभामा नेमकिपालाई प्रखर प्रतिपक्षको भूमिका निर्वाह गराउन आफूलाई मत दिन भन्दै उनले मतदातालाई आग्रह गरेका छन् ।