ठेचोमा जात्रा

कान्तिपुर संवाददाता

ललितपुर — ठेचोमा नवदुर्गा भवानी देवी नाच, ब्रम्हायणी, बालकुमारी, भैरव र गणेशको खट जात्रा मनाइएको छ । जात्राको अन्तिम दिन बुधबार बिहान माथिल्लो लाछीस्थित बालकुमारी देवीलाई बाजागाजासहित मन्दिर नजिकैको सत्तलमा भित्र्याइएको थियो ।

गणेश देवतालाई पालो थाप्नेको घरमा र भैरवलाई धुमधामसँग सिन्दुर जात्रा गरी पुखुसी टोल पुर्‍याइयो । यसलाई नेपाल भाषामा सिन्ह: या: जात्रा भनिन्छ । 

तल्लो लाछीस्थित बालकुमारी देवीको खटको छाना भने मन्दिरको ढोकाबाट नभई मूल झ्यालबाट भित्र्याउने चलन छ । भूकम्पले ध्वस्त मन्दिर पुनर्निर्माण भइनसकेकाले बालकुमारी देवीको मूर्तिलाई मन्दिर नजिकैको सत्तलमा राखियो । जात्राका अवसरमा नवदुर्गा भवानी देवी नाच प्रदर्शन गर्ने चलन छ । 

प्रकाशित : मंसिर २१, २०७४ ०८:३९
ADVERTISEMENT
प्रतिक्रिया
पठाउनुहोस्
ADVERTISEMENT

धनकुटामा मतदान कार्य उत्साहप्रद

प्रतिनिधिसभा सदस्य दुवै उम्मेदवारले पाख्रिबासबाट मतदान गरे
रमेशचन्द्र अधिकारी

धनकुटा — प्रतिनिधि तथा प्रदेशसभा निर्वाचनका लागि धनकुटामा पनि उत्साहाप्रद रुपमा मतदान जारी रहेको छ । मतदाताहरु बिहानैदेखि लाइनबद्ध भएर मतदान गरिरहेका छन् ।

जिल्लामा प्रतिनिधिसभा सदस्यका दुवै उम्मेदवारले जिल्लाको पाख्रिबासबाट मतदान गरेका छन् । यसक्रममा वाम गठबन्धनबाट प्रतिनिधिसभा सदस्य उम्मेदवार राजेन्द्र राईले पाख्रिबास ७ स्थित सरस्वती प्रावि मतदान केन्द्र र लोकतान्त्रिक गठबन्धनका तर्फबाट प्रतिनिधिसभा सदस्य उम्मेदवार तथा राष्ट्रिय प्रजातन्त्र पार्टीका महामन्त्री सुनिलबहादुर थापाले पाख्रिबास ८ स्थित जागिरगाउ‘बाट मतदान गरेका छन् ।

जिल्लामा शान्तिपुर्वक रुपमा मतदान भइरहेको मुख्य निर्वाचन अधिकृत विनोदकुमार पोखरेलले जानकारी दिए ।

प्रकाशित : मंसिर २१, २०७४ ०८:३९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT