सुतेकै ठाउँमा मृत्यु

कान्तिपुर संवाददाता

लमजुङ — मलेसियामा कार्यरत बेंसीसहर–११ रामचोकका २५ वर्षीय रविन श्रेष्ठ मृत फेला परेका छन् । भिनाजु राजेश श्रेष्ठका अनुसार आइतबार काम गरेर फर्केपछि खाना खाएर सुतेका रविन सोमबार बिहान मृत अवस्थामा भेटिएको सँगै रहेका साथी राज पटेलले बताएका हुन् ।

मलेसियामा कार्यरत बेंसीसहर–११ रामचोकका २५ वर्षीय रविन श्रेष्ठ मृत फेला परेका छन् ।

भिनाजु राजेश श्रेष्ठका अनुसार आइतबार काम गरेर फर्केपछि खाना खाएर सुतेका रविन सोमबार बिहान मृत अवस्थामा भेटिएको सँगै रहेका साथी राज पटेलले बताएका हुन् ।

पारिवारिक स्रोतका श्रेष्ठ खाद्य कम्पनी म्याक फुड कम्पनीमा कार्यरत थिए । तीन वर्षदेखि मलेसियामा रहेका उनी पुसदेखि घर फर्कने तयारीमा थिए ।

उनको परिवारमा आमा, श्रीमती र तीन वर्षीय छोरा छन् । शव बुझ्नका लागि श्रेष्ठ परिवार लमजुङबाट राजधानी पुगेको छ ।

प्रकाशित : मंसिर २१, २०७४ १०:०७
प्रतिक्रिया
पठाउनुहोस्
ADVERTISEMENT
ADVERTISEMENT

खुकुरीसहित ४ पक्राउ

छोटकरी
कान्तिपुर संवाददाता

लमजुङ — कास्की र लमजुङको सीमा मध्यनेपालको रामबजारबाट प्रहरीले खुकुरीसहित हिँडेका चार युवालाई पक्राउ गरेको छ ।

मध्यनेपाल–७ रामबजारबाट कास्कीको पिप्लेबजार हुँदै मोटरसाइकलमा फलाङकोट जाँदै गरेका सुन्दरबजार–९ भोटेओडारका रमेश कार्की, कास्कीको रुपा–१ फलाङकोटका उमाकान्त खनाल, किसन श्रेष्ठ र प्रताप खनाललाई नियन्त्रणमा लिइएको इप्रका भोर्लेटारका प्रहरी निरीक्षक जयराम वन्तले बताए । ‘कास्की र तनहुँमा बिहीबार चुनाव छ । चेकजाँच गर्दा घरेलु हतियार बोकेको भेटिएकाले नियन्त्रणमा लिएका हौं,’ उनले भने । कास्की र तनहुँमा बिहीबार हुने दोस्रो चरणको प्रतिनिधिसभा र प्रदेशसभा निर्वाचनलाई मध्यनजर राखेर स्थानीय प्रशासनले सीमा सुरक्षा र चेकजाँचमा कडाइ गरेको छ । 

प्रकाशित : मंसिर २१, २०७४ १०:०७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT