सबै सिट वाम अगाडि

कान्तिपुर संवाददाता

दमौली — प्रारम्भिक चरणको मतगणनामा तनहुँको सबै सिटमा वाम गठबन्धन आगडि देखिएको छ । दुई वटै प्रतिनिधिसभा सदस्य र चार वटै प्रदेशसभा सदस्यको निर्वाचन मत परिणाममा वा गठनबन्धनका उम्मेदवार अगाडि छ ।

तनहुँ १ मा वाम गठबन्धनका कृष्णकुमार श्रेष्ठले दुई हजार २ सय ६४ मत र कांग्रेस वरिष्ठ नेता रामचन्द्र पौडेलको एक हजार ७ सय ७४ मत प्राप्त गरेका छन् । 

चार हजार ४ सय ८० मत गणना भएको थियो । प्रदेशसभा सदस्य तर्फ क मा वाम गठनबन्धनका रामबहादुर गुरुङको एक हजार १ सय ६८ मत र कांग्रेसका गोविन्द भट्टराईको ८ सय ४६ मत छ । ख प्रदेशसभा सदस्यमा वामगठनबन्धनका हरिबहादुर चुमानको एक हजार १ सय ६८ मत र कांग्रेसका रघुनाथ पौडेल ६ सय ८९ मत प्राप्त गरेको मुख्य निर्वाचन अधिकृत अर्जुनप्रसाद जोशीले बताए ।
 
तनहुँ २ मा वाम गठनबन्धनका केदार सिग्देलले तीन हजार १ सय ९० मत र कांग्रेसका शंकर भण्डारीले १ हजार ९ सय २९ मत प्राप्त गरेका छन् । पाँच हजार ४ सय ७३ मतगणना भएको थियो । 

यस निर्वाचन अन्तर्गत क प्रदेशसभा सदस्यमा वाम गठबन्धनका आशा खनाल ४ सय ७२ मत र कांग्रेसका युवा नेता प्रदीप पौडेल ३ सय ८५ मत र ख प्रदेशसभा सदस्यमा वाम गठनबन्धनका किरण गुरुङ ३ सय ६२ मत र कांग्रेसका ध्रुव वाग्लेको ३ सय १३ मत प्राप्त गरेको मुख्य निर्वाचन अधिकृत गोविन्द गिरीले बताए ।

प्रकाशित : मंसिर २२, २०७४ २२:०४
प्रतिक्रिया
पठाउनुहोस्

पूर्वी नवलपरासीमा राति ११ बजेबाट मतगणना सुरु हुने

नवलपरासी — पूर्वी नवलपरासीमा अहिले राति ११ बजेवाट मतगणना सुरु हुने भएको छ । जिल्ला निर्वाचन अधिकृत भेषराज घिमिरेले अहिले राति ११ बजेबाट मतगणना सुरु गर्नेगरी सबै तैयारी पुरा भएको जानकारी दिए । उनले सर्बदलीय बैठक सम्पन्न भएको र क्षेत्र नम्बर २ को मतगणनास्थलमा तारजाली लगाउने काम सकिएको बताए ।



सदरमुकाम कावासोतीको शिव माध्यमिक विद्यालयमा मतगणना गरिने भएको छ । त्यहाँका ४ वटा कोठामा मतगणना सुरु गरिने छ । प्रतिनिधिसभाको २/२ स्थानमा र प्रदेश सभाको १/१ स्थान (कोठा)मा मतगणना गर्ने व्यवस्था मिलाइएको छ ।

२ वटा निर्वाचन क्षेत्र रहेको पूर्वी नवलपरासीमा ४ वटा प्रदेश रहेको छ । निर्वाचन क्षेत्र नम्बर १ मा कुल १ लाख १३ हजार ९ सय ४७ मतदाता मध्ये ८३ हजार २ सय २७ मत खसेको छ । त्यसैगरी यहाँको क्षेत्र नम्बर २ मा १ लाख ७ हजार ७ सय ६७ मतदाता रहेकोमा कुल ८० हजार २ सय ३५ मत खसेको छ । यहा कूल ७३ दशमलव ७३ प्रतिसत मत खसेको हो ।

पूर्वी नवलपरासीको १ मा ८ वटा राजनैतिक दल र क्षेत्र नम्बर २ मा २ स्वतन्त्र सहित १२ वटा राजनैतिक दल निर्वाचन प्रतिस्पर्धामा छन् । यहाँ खासगरी वाम गठबन्धन र नेपाली कांग्रेसबीच प्रतिस्पर्धा हुने छ । कांग्रेस महामन्त्री डा. शशांक कोइराला क्षेत्र नम्बर १ बाट उम्मेदवार रहेका कारण यो जिल्ला बढी चर्चामा रहेको छ । उनलाई वाम गठबन्धनले कडा टक्कर दिएको छ ।

प्रकाशित : मंसिर २२, २०७४ २२:०४
पूरा पढ्नुहोस्
प्रतिक्रिया
पठाउनुहोस्