रोल्पामा वाम गठबन्धनको अग्रता

काशीराम डाँगी

रोल्पा — पहिलो चरण अन्तर्गतमंसिर १० मा सम्पन्न प्रतिनिधि र प्रदेश सभा निर्वाचनको मत गणनाको नतिजा अनुसार रोल्पामा वाम गठबन्धनका उम्मेदवारहरुले अग्रता हासिल गरेका छन् ।

प्रतिनिधि र प्रदेश सभाको मत गणना जारी भएलगत्तै पहिलो पटक सार्वजनिक गरिएको नतिजाअनुसार दुवै तहमा वाम गठबन्धनका उम्मेदवार अगाडि देखिएका हुन् । 

मुख्य निर्वाचन अधिकृतको कार्यालयका अनुसार प्रतिनिधि सभा निर्वाचनका बाम गठबन्धनका उम्मेदवार वर्षमान पुनले ६ सय ९६ मत प्राप्त गर्दा कांग्रेसका अमरसिंह पुनले ३ सय ४३ मत प्राप्त गरेका छन् । अहिलेसम्म गणना गरिएको प्रतिनिधि सभाको निर्वाचनको मत संख्या १ हजार १ सय ४८ मध्ये ५२ वटा मत बदर भएको छ ।  

प्रदेश सभा निर्वाचन क्षेत्र क बाट वाम गठबन्धनका उम्मेदवार कुलप्रसाद केसीले २ सय ९३ मत प्राप्त गरेका छन् भने कांग्रेसका शेरबहादुर महराले २ सय ७९ मत पाएका छन् । यस्तै प्रदेश ख का वाम गठबन्धनका उमेदवार दीपेन्द्रकुमार पुनले ५ सय १३ मत पाउदा कांग्रेसका खगेन्द्र हमालले १ सय ३७ मत प्राप्त गरेका छन् । रोल्पामा वाम गठबन्धनबाट प्रतिनिधि सभामा १ र प्रदेश सभामा २ जना उम्मेदवार माओवादी केन्द्रकै छन् । 

प्रदेश क मा ७ सय ३८ मत खस्दा ७८ मत बदर भएको छ भने प्रदेश ख मा ७ सय १९ मत खस्दा ४० मत बदर भएको मुख्य निर्वाचन अधिकृत बासुदेवलाल श्रेष्ठले बताए । उनका अनुसार निर्वाचन सुरक्षाका दृष्टिकोणले अति नै संवेदनशील मानिएको रोल्पाको थबाङ केन्द्रका मत गणना गरेर गणना थालिएको । गणनाको नतीजा हरेक २ घण्टामा सार्वजनिक गर्ने भनिएपछि पहिलो पटकमा तीन घण्टापछि सार्वजनिक गरिएको छ । 

निकै कडा सुरक्षासहित रोल्पामा बिहीबार बेलुकी ५ बजेबाट मत गणना सुरु गरिएको हो । गणना स्थललाई तारबारले घेरिएको छ भने ७ वटा सीसीटीभी क्यामेराबाट अवस्थाको निगरानी गरिएको सुरक्षा अधिकारीले जनाएका छन् ।

प्रकाशित : मंसिर २१, २०७४ २२:२६
ADVERTISEMENT
प्रतिक्रिया
पठाउनुहोस्
ADVERTISEMENT

मुस्ताङमा मतगणना तीव्र, आधा मतगणना सकियो

विनोद त्रिपाठी

मुस्ताङ — मुस्ताङको मतगणना अनुसार अहिले राति १० बजेसम्म एमालेले प्रतिनिधि र प्रदेशसभामा अग्रता लिएको छ । ३ हजार ६ सय मत गनिसक्दा प्रतिनिधिसभाका लागि एमालेका प्रेमप्रसाद तुलाचनले १८२४ मत प्राप्त गरेका छन् ।

कांग्रेसका रोमी गौचन थकालीले १७९० मत पाएका छन् । 

प्रदेशसभामा पनि एमालेकै अग्रता कायम छ । प्रदेश (क) तर्फ एमालेका इन्द्रधारा बिष्टले ५ सय ६३, कांग्रेसका मिक्युर गुरुङले २ सय ६४ मत पाएका छन् । प्रदेश (ख) मा एमालेका महेन्द्र थकालीले ६ सय ३८ र कांग्रेसका छिरिङ दावा गुरुङले ५ सय ६६ मत प्राप्त गरेका छन् । राप्रपा प्रजातान्त्रिककका प्रविण कुमार शेरचनले अहिलेसम्म २ भोट पाएका छन् । यहाँ ६ हजार ७ सय ७३ जनाले मतदान गरेका थिए । 

मंसिर १० गते भएको प्रतिनिधी र प्रदेशसभा चुनावको मतगणना जोमसोममा बिहिबार साँझ ५ बजेदेखि सुरु भएको हो । मतगणनामा दलहरुका प्रतिनिधि राखेर कर्मचारीहरु गणना कार्यमा खटिएका प्रमुख निर्वाचन अधिकृतको कार्यालयले जनाएको छ ।

गणनास्थलमा उम्मेदवार, दलहरुका कार्यकर्ता र सर्वसाधारणको भीड लागेको छ । प्रत्येक उम्मेदवारका एक/एक प्रतिनिधि गणनामा खटिएका छन् । रातमा शून्य डिग्री तापक्रम हुने भएकोले दलहरुका कार्यकर्ताहरु न्यानो कपडा ओढेर गणनास्थल बाहिर बसेका छन् । गणनास्थलमा सुरक्षा अबस्था कडा पारिएको छ । 

 

प्रकाशित : मंसिर २१, २०७४ २२:२६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT