पातारासी गाउँपालिकामा कांग्रेसका लछिमन बोहोरा विजयी
जुम्ला — पातारासी गाउँपालिकामा नेपाली कांग्रेसका लछिमन बोहोरा विजयी भएका छन् । उनले २ हजार ३ सय ११ मत ल्याएका छन् भने उनका प्रतिद्वन्द्वी नेकपा माओवादी केन्द्रका गौरी बुढाले एक हजार ९ सय ३० मत प्राप्त गरे । त्यस्तै उपप्रमुखमा पनि नेपाली कांग्रेसकै पुन्नकली महतारा विजयी भएकी छन् ।
उनले २ हजार २५ मत प्राप्त गरिन् भने उनकी प्रतिद्वन्द्वी माओवादी केन्द्रकी जनमाया रोकायाले एक हजार ८ सय ५५ मत प्राप्त गरेको निर्वाचन अधिकृतको कार्यालयले जनाएको छ ।
त्यस्तै पातारासी गाउँपालिकाको वडा नं. १,६ र ६ मा नेपाली काग्रेसले जित हात पारेको छ भने वडा नं. २, ३ र ४ मा माओवादी केन्द्र विजयी भएको छ भने वडा नं. ७ मा एमालेका उम्मेदवार विजयी भएका छन् ।
प्रतिक्रिया