दोस्रो चरणको निर्वाचन पनि उत्सवपूर्ण हुने प्रधानमन्त्रीको विश्वास

पूजाआजाका लागि प्रधानमन्त्री शास्वत धाममा

नवलपरासी — प्रधानमन्त्री पुष्पकमल दाहालले स्थानीय तह दोस्रो चरणको निर्वाचन पनि उत्सवपूर्ण हुने विश्वास व्यक्त गरेका छन् । शुक्रबार नवलपरासीको शास्वतधाममा पूजाआजापछि सञ्चारकर्मीसँग कुरा गर्दै प्रधानमन्त्री दाहालले राष्ट्रिय जनता पार्टीसहित सबै राजनीतिक दलको सहभागितामा दोस्रो चरणको निर्वाचन उत्सवमय हुने बताएका हुन् ।

प्रधानमन्त्री पुष्पकमल दाहालले स्थानीय तह दोस्रो चरणको निर्वाचन पनि उत्सवपूर्ण हुने विश्वास व्यक्त गरेका छन् ।

शुक्रबार नवलपरासीको शास्वतधाममा पूजाआजापछि सञ्चारकर्मीसँग कुरा गर्दै प्रधानमन्त्री दाहालले राष्ट्रिय जनता पार्टीसहित सबै राजनीतिक दलको सहभागितामा दोस्रो चरणको निर्वाचन उत्सवमय हुने बताएका हुन् । उनले पहिलो चरणको निर्वाचनलाई आफूले उत्सवको रुपमा लिएको बताए ।

स्थानीय तह दोस्रो चरणको निर्वाचन जेठ ३१ गतेका लागि तोकिएको छ । गत वैशाख ३१ गतेको निर्वाचनको मत परिणाम आउने जारी छ । पछिल्लो परिणामअनुसार एमाले पहिलो, कांग्रेस दोस्रो र माओवादी केन्द्र तेस्रो स्थानमा छ ।

उद्योगी, व्यवसायी विनोद चौधरी सिर्जनात्मक मान्छे भन्दै प्रधानमन्त्रीले सरकारको तर्फबाट आवश्यक परे सहयोग गर्न तयार रहेको समेत आश्वासन दिए ।

छोरा प्रकाशसहित हेलिकप्टरमा आएका दाहालले शुक्रबार बिहान नवलपरासीको दुम्कौलीस्थित शास्वत धाम पूजाआजा गरे । उक्त धाम चौधरी ग्रुपले निर्माण गरेको हो । पूजाआजापछि प्रधानमन्त्री दाहालले निजी क्षेत्रबाट भव्य धाम निर्माण गरेको भन्दै आफू प्रभावित भएको बताए ।

शास्वत धाम दुई महिनाअघि राष्ट्रपति विद्यादेवी भण्डारीले उद्घाटन गरेकी थिइन् ।

प्रधानमन्त्री दाहाल कृषि क्याम्पसको भवन उद्घाटन गर्न नवलपरासीबाटै चितवन जाने कार्यक्रम छ ।

प्रकाशित : जेष्ठ ५, २०७४ १०:४८
प्रतिक्रिया
पठाउनुहोस्

सिन्धुलीको दुवै नगरपालिकामा एमालेको जित

राजकुमार कार्की

सिन्धुली — स्थानीय तहअन्तर्गत सिन्धुलीका दुईवटै नगरपालिका एमालेले हात पारेको छ । कमलामाई नगरपालिका र दुधौली नगरपालिकामा मेयर, उपमेयरसहित बहुमत वडाध्यक्षसहित एमाले विजयी बनेको हो । दुधौली नगरपालिकामा माओवादी उमेदवारसँग झिनो मतान्तरले एमालेले मेयर जितेको छ । दुधौली नगरपालिका मेयरमा एमालेका घनश्याम राउत ८५८९ मत प्राप्त गरी शुक्रबार निर्वाचित भएका छन् ।

उनका निकटतम प्रतिद्वन्द्वी माओवादी केन्द्रका दिनेश अधिकारी दनुवारले ८२२३ मत प्राप्त गरे ।

त्यस्तै उपमेयरमा एमालेकै बालकुमारी अधिकारी दनुवारले ८७४० मत प्राप्त गरि विजयी भइन् । उनका निकटतम प्रतिद्वन्द्वी कांग्रेसका चेतनारायण धामीले ८२१४ मत प्राप्त गरे । कमलामाई नगरपालिकामा एमालेका मेयर खड्गबहादुर खत्रीले  १११५२ मत प्राप्त गरि निर्वाचित भएका छन् । उनका निकटतम प्रतिद्वन्द्वी कांग्रेसका उपेन्द्र पोखरेलले ८३८८ मत प्राप्त गरेका छन् ।  त्यस्तै उपमेयरमा एमालेकै मन्जु देवकोटाले ९९२१ मत प्राप्त गरेर विजयी भएकी छिन् । उनको निकटतम प्रतिद्वन्द्वी कांग्रेसकी सुशीला थिङले ९५२३ मत प्राप्त गरिन् ।

प्रकाशित : जेष्ठ ५, २०७४ १०:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT