सासु र जेठानीलाई हराउँदै नेपाली विजयी
सिन्धुपाल्चोक — त्रिपुरासुन्दरी गाउँपालिकाअन्तर्गत धुस्कुन ३ मा दलित सदस्य मानकुमारी नेपालीले आफ्नै सासु र जेठानीलाई हराएकी छन् । नेकपा एमालेबाट उम्मेदवारी दिएकी उनले दलित सदस्य पदमा दुवैलाई हराउँदै विजयी बनेकी हुन् ।
एकै घरबाट उम्मेदवारी दिएका मानकुमारी एमाले ,सानुमैयाँ कांग्रेस र राप्रपाबाट गीता चुनावमा उठेका थिए ।
विजयी बनेकी कान्छी बुहारी मानकुमारीले ६ सय ९७ मत ल्याएकी छन् । चुनावी प्रतिस्पर्धामा उनकी प्रतिद्वन्द्वी सासु सानुमैयाले ३ सय ६८ र जेठानीले गिताले एक सय ४१ मत प्राप्त गरेकी छन् । यो वडामा नेकपा एमालेका वडाध्यक्ष उम्मेदवार शुकदेव रिसालको प्यानल नै विजयी भएको हो ।
प्रकाशित : जेष्ठ ५, २०७४ १९:२६प्रतिक्रिया