विमानस्थल बाहिरी घेरामा सेना

विमानस्थल सुरक्षाको नेतृत्व सम्हालिरहेका डीआईजी पंकज श्रेष्ठले यात्रुसँग प्रत्यक्ष सम्पर्कमा नरहने क्षेत्रमा मात्रै सेना खटिएको जानकारी दिए । उनले यसअघिका निर्वाचनमा जस्तै नेपाल प्रहरीको रिक्त रहेको ठाउँमा सेना खटिएको स्पष्ट पारे । उनले कान्तिपुरसँग भने, ‘सर्वसाधारणसँग प्रत्यक्ष संवाद नहुने ठाउँमा मात्रै सेना खटिएको हो । अन्य चेकजाँचमा साबिकझैं प्रहरी नै खटिएको छ ।’

प्रहरी प्रधान कार्यालयले निर्वाचन सुरक्षा निम्ति आवश्यक प्रहरी व्यवस्थापन गर्न विमानस्थल र कारागारको बाहिरी सुरक्षामा खटिएका प्रहरीलाई पनि उपयोग गरेको छ । प्रहरीको पोलिसी गाइडलाइनमा यसरी प्रहरीको स्थानान्तरण भएपछि रिक्त स्थानमा नेपाली सेना खटाउन सकिने उल्लेख छ ।