काठमाडौं — सप्तकोशीको ढोका खोल्न परराष्ट्रमन्त्रीलाई कुटनीतिक पहल चाल्न गृहमन्त्री जर्नादन शर्माले अनुरोध गरेका छन् । शुक्रबारदेखि सुरु भएको अत्याधिक वर्षाका कारण सप्तकोशीमा पानीको बहाव उच्च रहेको र समयमै ढोका नखोले थप विपत्ती हुने गृह मन्त्रालयमा बसेको बैठकले निष्कर्ष निकालेको थियो ।
गृह प्रवक्ता दीपक काफ्लेले पनि उक्त बैठकपछि गृहमन्त्रीले ढोका खोल्नेबारे पहल सुरु गरेको कान्तिपुरलाई बताए । गृह मन्त्रालयले सप्तकोशीको अवस्था बुझ्नका लाथि क्षेत्रिय प्रशासन कार्यालयलबाट निरन्तर सूचना लिएको थियो ।