बाढीमा डुबेर १ बालकको मृत्यु, अर्कोको उद्दार
बारा — पसाहा खोलामा आएको बाढीमा डुबेर एक बालकको आइतबार मृत्यु भएको छ । अर्को एक बालकको उद्दार गरिएको छ । दुबै जना गढीमाई मन्दिर नजिक बाढीको पानीमा एकाएक फसेका थिए ।
महागढीमाई १ बरियारपुरका नुरैन मियाँको १२ बर्षीय छोरा मैफुज मियाँको मृत्यु भएको दैवी प्रकोप उद्धार समितिका संयोजकसमेत रहेका प्रमुख जिल्ला अधिकारी वीरजयनारायण मनान्धरले बताए ।
उनीसँगै रहेका उनका साथी ११ बर्षीय (नजिर हुसेको छोरा) सरफाज हुसेनलाई स्थानीयले जीवितै उद्दार गरेका छन् । जिल्लामा यो बालकसहित तीन जनाको ज्यान गएको छ ।
प्रकाशित : श्रावण २९, २०७४ १८:२९प्रतिक्रिया