चितुवाको छाला बेचविखन गर्दैगर्दा २ जना पक्राउ

प्रहरीको क्षेत्रीय अनुसन्धान ब्युरो र जिल्ला प्रहरी कार्यालयको संयुक्त विशेष टोलीले चितुवाको छाला किनबेचको अवस्थामा निर्माण व्यवसायी संघका पूर्वअध्यक्ष एवं बाँसगढी-१ का जीतबहादुर देवकोटा र १२ वर्दियाका नरबहादुर शाहीलाई पक्राउ गरेको टोली प्रमुख प्रहरी निरीक्षक अरुणकुमार सिंहले बताए ।
उनका अनुसार १० लाख रुपैयाँमा छाला किनबेच भइरहेको सूचनाका आधारमा उनीहरु पक्राउ परेका हुन् ।

१ फिट १० इन्च चौडा र ९ फिट इन्च लम्बाई छाला वैतडी चिसापानी भोडीगाउँ हुँदै गुलरिया ल्याएको प्रहरीले बताएको छ । केही सोधपुछ पछि पक्राउ परेकालाई जिल्ला वन कार्यालयमा बुझाइने प्रहरी निरीक्षक सिंहले जनाए ।