प्रधानमन्त्री दैवीप्रकोप उद्धार कोषमा एक करोड दुई लाख सहयोग

कान्तिपुर संवाददाता

काठमाडौं — दक्षिण कोरियालीको कोरिया साउथ–इष्टपावर कम्पनीले प्रधानमन्त्री दैवी प्रकोप उद्धार कोषमा रु एक करोड दुई लाख ५७ हजार ८७१ सहयोग गरेको छ ।

उपप्रधानमन्त्री तथा परराष्ट्र मन्त्री कृष्णबहादुर महरालाई आज परारष्ट्र मन्त्रालयमा भेटेर कम्पनीका अध्यक्ष तथा प्रमुख कार्यकारी अधिकृत च्याङ, जाई वनले उक्त रकम हस्तान्तरण गरे । रकम उपप्रधानमन्त्री महराले प्रधानमन्त्री कार्यालयका सचिव शंकरप्रसाद अधिकारीलाई हस्तान्तरण गरे ।

उपप्रधानमन्त्री महराले कोरिया साउथ–इष्ट पावर कम्पनीले बाढीपीडितका लागि सहयोग गरेकोप्रति धन्यवाद व्यक्त गरे । उनले कम्पनीले सुरु गरेको माथिल्लो त्रिशूली–१ जलविद्युत् आयोजनाका विषयमा जानकारी लिए । सो अवसरमा कम्पनीका प्रमुख कार्यकारी अधिकृत च्याङले अप्पर त्रिशूली–१ (२१६ मेवा) परियोजना भूकम्पका कारण केही समस्या भए पनि दू्रतगतिमा अगाडि बढाएको जानकारी गराए ।

उनले विद्युत् खरिद् सम्झौदा(पिपिए)लाई अघि बढाइदिन आग्रह समेत गरे । जवाफमा उपप्रधानमन्त्री महराले विद्युत् खरिद सम्झौताका विषयमा आफूले सम्बन्धित निकायसँग कुरा गर्ने बताए । रासस

प्रकाशित : भाद्र २८, २०७४ १५:५०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

अन्तर्घातको आरोपमा कांग्रेस दैलेखका सभापतिसँग स्पष्टीकरण माग

जिल्ला पार्टी कार्यालयमा ५ महिनादेखि तालाबन्दी
ज्योती कटुवाल

दैलेख — नेपाली कांग्रेस दैलेखले पहिलो र दोस्रो चरणको स्थानीय चुनावमा अन्तर्घात गरेको भन्दै पार्टी सभापतिसहित दर्जनौं नेता कार्यकर्ताहरुलाई कारबाही प्रक्रिया अघि बढाएको छ ।

विभिन्न प्राप्त उजुरीका आधारमा कारबाही थालेको कांग्रेसले जनाएको छ । कारबाहीको प्रक्रिया भने स्पष्टीकरणबाट सुरु भएको छ । उजुरी परेकाहरुलाई पत्र काटेर सात दिनभित्र स्पष्टीकरण दिन भनिएको छ ।

जिल्ला सभापति कृष्णकुमार विसीलाई पार्टीको जिल्ला अधिवेशनमा संकलन भएको रकमको दुरुपयोग गरेको भन्दै कार्यकर्ताहरुले गत साउन १७ गते मुद्दा दर्ता गराएका हुन् । बिसीलाई विभिन्न किसिमका क्रियाकलापमा गर्दै आएको र कार्यकर्ताको मतलब नै नगरी रकम हिनामिना गरेको कार्याकर्ताहरुको आरोप छ । त्यस्तै जिल्ला अधिवेशनमा सदरमुकामका विभिन्न होटलहरुमा खाना र आवासको करिब १५ लाख रकम नतिरेको र गिरिजाप्रसाद कोइराला स्मृति भवन निर्माणको नाममा देश तथा विदेशबाट आएको रकम हिनामिना गरेको आरोप पनि लगाइएको छ ।

स्थानीय तहको निर्वाचनमा आफूले भनेका व्यक्तिहरुले टिकट नपाएको आक्रोशमा आधिकारिक उम्मेदवारहरुलाई पराजित गराउन सक्रिय रहेको लगायतका आरोपसहित दैलेख जिल्लाका २४ मध्ये १६ जना महाधिवेशन प्रतिनिधि र २० मध्ये १४ जना निर्वाचित जिल्ला कार्यसमितिका सदस्यहरुको संयुक्त दस्तखतसहितको उजुरी निवेदन केन्द्रीय कार्यलयमा सावण १७ गते दर्ता गराएका थिए । विसीसहित जिल्लाका १४ जना कार्यकर्तालाई कारबाहीको माग गरेका कांग्रेसका एक कार्यकर्ताले बताएका छन् ।

बिसीको विरोध गर्दै कार्यकर्ताले साउन १७ गतेबाट आधिकारीक रुपमा ताला लागाएको छ । कार्यालय चैत्र महिनादेखी नै बन्द भएको हो ।

प्रकाशित : भाद्र २८, २०७४ १५:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT