वाम गठबन्धनले अधिनायकवाद ल्याउँछ भन्नु हास्यास्पद: अध्यक्ष ओली

देवनारायण साह

मोरङ — एमालेका अध्यक्ष केपी ओलीले वाम गठबन्धनले मुलुकमा अधिनायकवाद ल्याउँछ भन्ने भनाई हास्यास्पद भएको बताएका छन् ।

'प्रधानमन्त्रीलाई हडबडाउने बानीले वाम गठबन्धनले मुलुकमा अधिनायकवाद ल्याउँछ भनिरहनु भएको छ । सरकारको नेतृत्व गर्नेले प्रतिपक्षलाई सिध्याउने भनिरहेको छ जुन अत्यन्तै अस्वभाविक र असाधारण कुरो हो,’ विराटनगरमा विहिवार पत्रकारसँग कुरा गर्दै अध्यक्ष ओलीले भने, ‘प्रतिपक्षलाई सिध्याउने प्रधानमन्त्रीको भनाई सत्ताभित्रको तानाशाही र फाँसीवादी चरित्रको प्रष्टीकरण हो ।’ कांग्रेसको ध्रुवीकरण भवितव्यको ध्रुवीकरण भएको उनको भनाइ थियो ।

देशको सार्वभौमसत्ता, अखण्डता, राष्ट्रिय स्वाधिनता, स्वाभिमान, लोकतन्त्रको रक्षा, सामाजिक स्वाधिन्ता, सदभाव र शान्ति स्थापना, युवा जनशक्ति र मुलुकमा रहेको प्रयाप्त साधन स्रोत उपयोग गरेर समृद्ध मुलुक निमार्णका लागि आफूहरुको गठबन्ध भएको उनी बताउँछन् ।

उनले प्रतिनिधि र प्रदेशसभा सदस्यको टिकट वितरणमा एमालेका कुनै, कोही नेतालाई समस्या नरहेको दाबी गरे । टिकट वितरणले एमाले समस्या भएको भन्ने हल्ला केही व्यक्तिले भडकाउनका लागि फैलाएको उनको भनाइ छ । उनले एमालेका नेताहरुको पूर्व-पश्चिम रेल कुद्नु पर्ने, तराईमा उद्योग, सिचाईं, कृषिमा आधुनिकीकरण, विद्युतीकरण, हाइड्रोपावर, टुरिजम विकास हुनु पर्ने चाहना रहेको बताए । एमाले विरुद्ध हल्ला फैलाउने हल्लाखोरहरुले अहिले बिज्नेश गरिरहेकोले त्यसकोपछि कसैलाई नलाग्न उनको आग्रह थियो ।

प्रकाशित : कार्तिक १६, २०७४ १२:४२
प्रतिक्रिया
पठाउनुहोस्

लमजुङमा करिव १७ किलो सुनसहित युवक पक्राउ

आश गुरुङ

लमजुङ — लमजुङमा अनुमानित १७ किलो सुन समातिएको छ । बोकेर ल्याउँदै गरेका एक युवकलाई प्रहरीले पक्राउ गरेको छ । प्रहरीले मर्स्याङ्दी गाउँपालिकाको खुदीबाट ती युवकलाई सुनसहित पक्राउ गरेको हो । मनाङ तर्फबाट मोटरसाइकलमार्फत झर्दै गरेका युवकले सुनलाई झोलामा लिएर आउँदै गर्दा पक्राउ परेको प्रहरीले जनाएको छ ।

लमजुङमा अनुमानित १७ किलो सुन समातिएको छ । बोकेर ल्याउँदै गरेका एक युवकलाई प्रहरीले पक्राउ गरेको छ ।

प्रहरीले मर्स्याङ्दी गाउँपालिकाको खुदीबाट ती युवकलाई सुनसहित पक्राउ गरेको हो । मनाङ तर्फबाट मोटरसाइकलमार्फत झर्दै गरेका युवकले सुनलाई झोलामा लिएर आउँदै गर्दा पक्राउ परेको प्रहरीले जनाएको छ । प्रत्यक्षदर्शीका अनुसार आनाकानी गरी मोटरसाइकलमा आउँदै गरेका ती युवक प्रहरीले चेकिङका क्रममा रोकेपछि भागेका थिए । प्रहरीले ती युवालाई भाग्दै गर्दा खुदी बजार क्षेत्रबाट पक्राउ गरेको हो ।

डीएसपी पदमबहादुर विष्टले १७ थान सुन समातिएको बताए । ‘हेर्दा सुन हो । ती युवकले पनि सुन नै भनेका छन् । यसको तौल के कति हुन्छ जोख्नु पर्छ । सामान्यतय एक थानमा एक किलो हुने गरेको छ,’ उनले भने । प्रहरीले विस्तृत विवरण बताएको छैन ।

उनका अनुसार मनाङको नासोङ गाउँपालिका-९, दानाक्युका ३१ वर्षीय पासाङ लामा भन्ने युवकलाई पक्राउ गरिएको छ । उनले सुन बोक्न प्रयोग गरेको बा५८प ४२९१ नं. को मोटरसाइकल समेत समातिएको डिएसपी विष्टले बताए । खुदीमा सुनसहित युवक समातिएपछि उनी खुदी गएका छन् ।

खुदी सदरमुकाम बेंसीसहरबाट करीब ७ किलोमीटर उत्तरतर्फ मनाङ जाने बाटोमा पर्छ । सुनलाई तिब्बतको सीमाबाट मनाङ हुँदै ल्याइएको हुनसक्ने अनुमान गरिएको छ ।

प्रकाशित : कार्तिक १६, २०७४ १२:४२
पूरा पढ्नुहोस्
प्रतिक्रिया
पठाउनुहोस्