नयाँ शक्ति दैलेख जिल्ला कमिटी नै एमालेमा

ज्योती कटुवाल

दैलेख — बाबुराम भट्टराई नेतृत्वको नयाँ शक्ति पार्टी नेपाल जिल्ला कार्यसमिति दैलेखका नेता तथा कार्यकर्ता एमालेमा प्रवेश गरेका छन् ।

नेकपा एमाले र नेकपा माओवादी केन्द्रको बाम गठबन्धनले शुक्रबार दैलेखमा गरेको पार्टी प्रवेश तथा अगुवा पार्टी कार्यकर्ता प्रशिक्षण कार्यक्रममा नयाँ शक्ति पार्टीका जिल्ला कार्य समिति नै एमालेमा समाहित भएको हो ।

Yamaha

नयाँशक्ति पार्टीका केन्द्रीय सदस्य वीरबहादुर भण्डारी, केन्द्रीय परिषद् सदस्य रामप्रसाद शर्मा एमालेमा प्रवेश गरेका छन् । यस्तै नयाँ शक्ति पार्टीका जिल्ला कमिटी सचिव बमबहादुर रावतलगायत जिल्ला कमिटीका नेता एमालेमा प्रवेश गरेको एमाले दैलेखका अध्यक्ष रवीन्द्रराज शर्माले जानकारी दिएका छन् ।

यस्तै शुक्रबार एमाले र माओवादी केन्द्रको बाम गठबन्धनले दैलेखमा अगुवा पार्टी कार्यकर्ता प्रशिक्षण कार्यक्रम सम्पन्न गरेको छ । भेलाले संयुक्त जिल्ला संयोजन समिति गठन गरेको एमाले अध्यक्ष शर्माले जानकारी दिए । पार्टी एकतासहित आसन्न प्रतिनिधि र प्रदेशसभा निर्वाचनमा एक ढिक्का भएर लाग्न गठबन्धनका जिल्लास्तरीय शीर्ष नेतृत्वले कार्यकर्तालाई निर्देशन समेत दिएका छन् ।

Esewa Pasal

प्रकाशित : कार्तिक १७, २०७४ १८:१८
प्रतिक्रिया
पठाउनुहोस्
ADVERTISEMENT

दैलेखमा दम्पतिको हत्या

ज्योती कटुवाल

दैलेख — भगवतिमाई गाउँपालिका वडा नं ७ बडाभैरवमा एक दम्पतिको धारिलो हतियार प्रयोग गरी हत्या भएको छ । अन्दाजी ४० वर्षीय जयबहादुर सिंह र उनकी पत्नी ३९ वर्षीया कमला सिंहको हत्या भएको हो ।

उक्त घटनामा मृतक जयबहादुर सिंहका १६ वर्षीय छोरा दीपक सिंह गम्भीर घाइते भएका छन् ।

घाइते भएका दीपकको धारिलो हतियारले घाँटी रेटिएको छ । उनलाई थप उपचारको लागि नेपालगन्ज मेडिकल कलेज कोहलपुरमा लगिएको छ । उनको अवस्था चिन्ताजनक रहेको जिल्ला प्रहरी कार्यालय दैलेखका प्रहरी प्रमुख सरोज पौडेलले बताए । 

हत्यामा संलग्न रहेका स्थानीय २१ बर्षीया मनोज खड्कालाई पक्राउ गरिएको जिल्ला प्रहरी कार्यालय दैलेखले जनाएको छ । हत्यामा संलग्न खड्काले छिमेकी घर जोडिएका सिंह दम्पतिलाई लेनदेनको विषयलाई लिएर आइतबार साँझ ७ बजे तिर धारिलो हतियार प्रयोग गरी हत्या गरेको जिल्ला प्रहरी कार्यालय दैलेखमा बयान दिएको प्रहरीले जनाएको छ । 

प्रकाशित : आश्विन ३०, २०७४ १२:०५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT