रोल्पा पुगेर प्रधानमन्त्रीले भने, ‘चुनाव सर्दैन’

काशीराम डाँगी

लिबाङ, रोल्पा — प्रधानमन्त्री शेरबहादुर देउवाले दुई चरणमा हुने प्रतिनिधि र प्रदेशसभा निर्वाचन नसर्ने बताएका छन् । तोकिएको मितिमै निर्वाचन सम्पन्न गर्ने प्रतिवद्धता जनाउँदै उनले सरकारले चुनाव सार्न लागेको भनी विपक्षीले लगाएको आरोप निराधार भएको दाबी गरे । ‘सरकार निर्वाचन सार्ने सोचमा छैन । विपक्षीले चुनाव सार्ने सपना देख्यादेख्यै छन् । तर चुनाव सर्नेवाला छैन ।’

प्रधानमन्त्री शेरबहादुर देउवाले दुई चरणमा हुने प्रतिनिधि र प्रदेशसभा निर्वाचन नसर्ने बताएका छन् ।

तोकिएको मितिमै निर्वाचन सम्पन्न गर्ने प्रतिवद्धता जनाउँदै उनले सरकारले चुनाव सार्न लागेको भनी विपक्षीले लगाएको आरोप निराधार भएको दाबी गरे । ‘सरकार निर्वाचन सार्ने सोचमा छैन । विपक्षीले चुनाव सार्ने सपना देख्यादेख्यै छन् । तर चुनाव सर्नेवाला छैन ।’

विहीबार रोल्पाको लिबाङमा कांग्रेस रोल्पाले गरेको जनसभामा बोल्दै कांग्रेस सभापति समेत रहेका प्रधामन्त्री देउवाले भने ‘ओलीले मंसिर १० र २१ गते मतदान गरेर पनि चुनाव सर्ने’भन्न सक्ने समेत बताए ।

रुकुममा आयोजित सभालाई सम्बोधन गरेर हेलिकोप्टरमार्फत विहीबार दिउँसो अबेर रोल्पाको लिबाङमा आइपुगेका प्रधानमन्त्री देउवाले साढे चार मिनेट मात्र बोलेका थिए । उनले मुलुकको राजतीति निकै जटिल अवस्थामा रहेको चर्चा गर्दै बाम गठबन्धनको पक्षमा नलाग्न आह्वान समेत गरे । लोकतन्त्रप्रति कम्युनिस्टबाट ‘खतरा’भएको चर्चा गर्दै प्रधानमन्त्री देउवाले कांग्रेसले पञ्चायत ढाल्न, राजाको शासन ढाल्न र हतियारधारी माओवादीलाई शान्ति प्रक्रियामा ल्याउन महत्वपूर्ण भूमिका निर्वाह गरेकाले लोकतन्त्रको रक्षाका लागि कांग्रेसलाई नै मतदान गर्न आह्वान गरे ।

रुसमा लेनिनवाद खत्तम भइसकेको र चीनमा पनि माओवाद नभएकाले ‘संसारमा खत्तम भइसकेको’ कम्युनिस्ट नेपालमा सही नहुने देउवाले दाबी गरे । मतदातालाई निर्भयपूर्ण रुपमा मतदान गर्न आह्वान गर्दै प्रधानमन्त्री देउवाले भने, ‘अब कांग्रेसको सरकार बन्नेवाला छ । कसैले रोक्न सक्दैन । सबैले कांग्रेसलाई माया गर्नुस्, मतदान गर्नुस् ।’

प्रकाशित : मंसिर ७, २०७४ १८:१०
प्रतिक्रिया
पठाउनुहोस्

सुनसरीमा सुतली बम विस्फोट

कान्तिपुर संवाददाता

इटहरी — अज्ञात समूहले इटहरी उपमहानगरपालिका-५ जनता बस्तीमा बिहीबार मध्यान्ह सुतली बम विस्फोट गराएको छ । बमले रुपमाया लिम्बूको घुम्तीको ढोकामा केही क्षति पुगेको छ ।मानिसहरुको चहलपहल नभएको बेला भएको विस्फोटले कुनै क्षति नभएको डिएसपी सञ्ज

अज्ञात समूहले इटहरी उपमहानगरपालिका-५ जनता बस्तीमा बिहीबार मध्यान्ह सुतली बम विस्फोट गराएको छ । बमले रुपमाया लिम्बूको घुम्तीको ढोकामा केही क्षति पुगेको छ ।

मानिसहरुको चहलपहल नभएको बेला भएको विस्फोटले कुनै क्षति नभएको डिएसपी सञ्जय राउतले बताए । सुतली बम ढलमा विस्फोट भएकाले आवाज आएपनि कुनै क्षति नभएको उनले बताए । चुनाव बहिष्कारमा रहेको नेत्रविक्रम चन्द नेतृत्वको नेकपाले विस्फोट गराएको हुन सक्ने आशंका गरिए पनि घटनाको कुनै समूहबाट जिम्मेवारी लिइएको छैन ।

प्रकाशित : मंसिर ७, २०७४ १८:१०
पूरा पढ्नुहोस्
प्रतिक्रिया
पठाउनुहोस्