नुवाकोटको अँधेरीखोलामा विस्फोट

कृष्ण थापा

नुवाकोट — विनपा–७ तुप्चे अँधेरीखोलामा विस्फोट भएको छ । तुप्चेबाट सदरमुकाम विदुरतर्फ मतपेटी बोकेर ल्याउँदै गरेको गाडी पार भैसकेपछि साँझे साढे सातबजे विस्फोट भएको प्रहरीले जनाएको छ ।

‘विष्फोट भएको हो,’ जिल्ला प्रहरी प्रमुख एसपी वसन्त कुँवरले भने,‘मानवीय क्षति भने भएको छैन ।’

मतपेटिका बोकेको आइचर गाडी अघि र माओवादी केन्द्रका संयोजक एवं गठवन्धनका उम्मेदवार हिरानाथ खतिवडालगायत उनका कार्यकर्ता चढेको ग२च २५०१ गाडी पार भएपछि अँधेरीखोलामा विस्फोट भएको उम्मेदवार खतिवडाले जानकारी दिए ।

प्रकाशित : मंसिर १०, २०७४ २०:४०
ADVERTISEMENT
प्रतिक्रिया
पठाउनुहोस्
ADVERTISEMENT

मुगुमा मतपेटिका संकलनको क्रममा झडप, १६ राउण्ड हवाई फायर

राजबहादुर शाही

मुगु — सोरु गाउँपालिकाको वडा नम्बर ६ स्थित धैनकोट मतदान केन्द्रमा अज्ञात समूहले आक्रमण हुँदा १६ राउण्ड हवाई फायर गरिएको छ । मतदान सकेर मुचुल्का उठाउँन लाग्दा चारैतिरबाट आक्रमण भएपछि मतपेटिका जोगाउन सुरक्षाकर्मीले हवाई फायर गर्नुपरेको प्रमुख जिल्ला अधिकारी उमाकान्त अधिकारीले जानकारी दिए ।

सोरु गाउँपालिकाको वडा नम्बर ६ स्थित धैनकोट मतदान केन्द्रमा अज्ञात समूहले आक्रमण हुँदा १६ राउण्ड हवाई फायर गरिएको छ ।

मतदान सकेर मुचुल्का उठाउँन लाग्दा चारैतिरबाट आक्रमण भएपछि मतपेटिका जोगाउन सुरक्षाकर्मीले हवाई फायर गर्नुपरेको प्रमुख जिल्ला अधिकारी उमाकान्त अधिकारीले जानकारी दिए ।

आक्रमणबाट शसस्त्र प्रहरी बलका प्रहरी नायक निरीक्षक बिष्णु आर्याल घाइते भएका छन् । अन्य सुरक्षाकर्मी र निर्वाचनमा खटिएका कर्मचारीलाई पनि चोट लागेको प्रजिअ अधिकारीले बताए ।

दिनभर शान्तिपूर्ण मतदान भएपनि भोट सकेर मुचुल्का उठाउने बेला अज्ञात समूह घटना भएको प्रजिअले बताए ।

मतपेटिका सुरक्षित रहेको उनको भनाई छ । घाइते अर्याल र मतपेटिकालाई कडा सुरक्षाका साथ गमगढीतिर ल्याउने काम भइरहेको प्रमुख जिल्ला अधिकारीको बताए ।

प्रकाशित : मंसिर १०, २०७४ २०:१६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT