खुकुरीसहित ४ युवा पक्राउ

आश गुरुङ

लमजुङ — कास्की र लमजुङको सीमाक्षेत्र मध्यनेपालको रामबजारबाट प्रहरीले घरेलु हतियार सानो खुकुरीसहित ४ युवालाई पक्राउ गरेको छ ।

मध्यनेपाल नगरपालिका ७, रामबजारबाट कास्कीको पिप्लेबजार हुँदै फलाङकोट जाँदै गरेका युवालाई पक्राउ गरिएको इलाका प्रहरी कार्यालय भोर्लेटारका इन्सपेक्टर जयराम वन्तले बताए । पक्राउ पर्नेहरुमा लमजुङको सुन्दरबजार नगरपालिका ९, भोटेओडारका २२ वर्षीय रमेश कार्की, कास्की रुपा गाउँपालिका १, फलाङकोटका ३९ वर्षीय उमाकान्त खनाल, २० वर्षका किसन श्रेष्ठ र २२ वर्षकै प्रताप खनाल रहेका छन् । उनीहरुलाई नियन्त्रणमा लिएर आवश्यक छानबिन गरिरहेको प्रहरीले जनाएको छ । प्रहरीले उनीहरुको साथबाट ग६प ८४९६ र बा२७प ९४३३ नम्बरको मोटरसाइकल पनि नियन्त्रणमा लिएको छ ।

इन्सपेक्टर वन्तका अनुसार कास्की र तनहुँमा बिहीबार हुने दोस्रो चरणको निर्वाचन विथोल्न जान लागेको आशंकामा खानतलासी गर्दा घरेलु हातियार सानो खालेको खुकुरीसहित फेला परेको हो । बुधबार दिउँसो साँढे १ बजेतिर २ वटा मोटरसाइकलमार्फत जाँदै गरेका उनीहरुले बोकेको झोलाबाट सानो खालको खुकुरी, २ लिटर पेट्रोल साथै कांग्रेस, एमाले र माओवादी केन्द्रका झन्डासमेत बरामद गरेको इन्पसेक्टर वन्तले बताए ।

कास्की र तनहुँमा बिहीबार हुने दोस्रो चरणको प्रतिनिधिसभा र प्रदेशसभा निर्वाचनलाई मध्यनजर राखेर स्थानीय प्रशासनले सीमा सुरक्षा र चेकजाँचमा कडाई गरेको छ । डीएसपी पदमबहादुर विष्टले घरेलु हतियारसहित उनीहरु पक्राउ परेपछि सीमा सुरक्षालाई थप व्यवस्थित र चेकजाँच झन कडाई गरिएको बताए । डीएसपी विष्ट र प्रमुख जिल्ला अधिकारी युवराज मैनालीसहितको टोलीले बुधबार सीमा सुरक्षा जाँचबारे अवलोकन गरेको छ । उनीहरुले भोर्लेटारबाट सीमा क्षेत्र लमजुङका दुइपिप्ले हुँदै तनहुँको दमौलीसम्मका सुरक्षास्थितबारे जानकारी लिएका विष्टले बताए ।

प्रकाशित : मंसिर २०, २०७४ १८:०९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मतगणनाका लागि तारबार

घेरा बाहिर दलका प्रतिनिधि
कान्तिपुर संवाददाता

काठमाडौं — स्थानीय निर्वाचनको मतगणनाकाट पाठ सिकेर काठमाडौंमा प्रतिनिधिसभा र प्रदेशसभाको मतगणना स्थलमा तारजाली र सीसी क्यामेरा जडान गरिएको छ । काठमाडौंको १० निर्वाचन क्षेत्रको मतगणना पाँच स्थानमा हुँदैछ। भरतपुरमा मतगणना स्थलमै रहेको दलका प्रतिनिधिले मतपत्र च्यातेका थिए ।

स्थानीय निर्वाचनको मतगणनाकाट पाठ सिकेर काठमाडौंमा प्रतिनिधिसभा र प्रदेशसभाको मतगणना स्थलमा तारजाली र सीसी क्यामेरा जडान गरिएको छ । काठमाडौंको १० निर्वाचन क्षेत्रको मतगणना पाँच स्थानमा हुँदैछ । भरतपुरमा मतगणना स्थलमै रहेको दलका प्रतिनिधिले मतपत्र च्यातेका थिए ।

काठमाडौंको मतगणना शुक्रबारदेखि मात्रै हुने भएको छ । बिहीबार मतदान सकिएपछि मतपेटिका संकलन भएपनि मतगणना शुक्रबार बिहानमात्रै गर्न लागेको मुख्य निर्वाचन अधिकृत रमेशराज पोखरेलले बताए । शुक्रबार बिहान ६ देखि ८ बजेसम्म सर्वपक्षयीय बैठक राखिएको पोखरेलले बताए । मतगणना स्थलमा कर्मचारी बाहेक अरुलाई प्रवेश नदिइने भएको छ । मतगणना स्थलमा ग्याबिन बनाउन प्रयोग गरिने तारको जाली लगाइएको छ । तारको जालीबाट टाउको छिराउन सक्ने भएकाले नरको डोरीले थप मजबुत बनाइरहेका छन् । यसबाहेक एउटा मतगणना स्थलमा कम्तीमा दुई वटा सीसी क्यामेरा राखिएको छ । निर्वाचन आयोगले एउटा मतगणना स्थल बनाउन ४० हजार रुपैयाँ खर्च बिनियोजन गरेको छ । उक्त खर्चबाट तार, नरको डोरी, फलाम, ओछ्याउने म्याट, कार्पेट लगायतकोखर्च पुर्‍याउनु पर्ने हुन्छ ।

प्रकाशित : मंसिर २०, २०७४ १८:०२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT