सिरहा ३ मा एमालेका श्रेष्ठ विजयी

संघीय समाजवादी फोरमका असेश्वर यादवलाई २ हजार ५२ मत अन्तरले पछाडि पार्दै श्रेष्ठ विजयी भएका हुन् । उनले २३ हजार २ सय ७२ मत ल्याए । निकटतम प्रतिद्वन्द्वी यादवले २१ हजार २ सय २० मत प्राप्त गरे । प्रतिनिधिसभाको ४ क्षेत्र रहेको सिरहामा श्रेष्ठको विजयले जिल्लामा एमालेको खाता खुलेको छ ।

दोस्रो संविधानसभामा सिरहा क्षेत्र नं. ५ बाट चुनाव लडेका उनी माओवादी केन्द्रका अध्यक्ष पुष्पकमल दाहालसँग पराजित भएका थिए । यसैगरी प्रदेशसभामा ८ सिट संख्या रहेको सिरहामा वाम गठबन्धन घटक माओवादी केन्द्रले २, एमाले र संघीय समाजवादी फोरमले १/१ सिटमा जित हासिल गरेको छ ।