बुद्धिजीवीलाई प्रधानमन्त्रीको चेतावनी,‘मैले जवाफ दिए तपाईहरु थला पर्नुहुन्छ’

कान्तिपुर संवाददाता

काठमाडौँ — प्रधानमन्त्री केपी ओलीले बुद्धिजीवीहरुलाई चेतावनी दिएका छन् । नेपाल टेलिभिजनबाट बुधबार राति प्रशारण भएको जनतासँग प्रधानमन्त्री कार्यक्रममा प्रधानमन्त्री ओलीले बुद्धिजीवीहरलाई आफूले जवाफ दिए थला पर्ने बताएका हुन् ।

आफूमाथि असभ्य र तल्लोस्तरको टिप्पणी भएको भन्दै उनले बुद्धिजीवीहरुलाई यस्तो चेतावनी दिएका हुन्।

Yamaha

कार्यक्रममा प्रधानमन्त्रीले ओलीले भनेका छन्,‘कुनै–कुनै बुद्धिजीवीहरुको टिप्पणी अत्यन्तै असभ्य, तल्लोस्तरको देख्छु। त्यस्ता बुद्धिजीवीहरुलाई एक पटक पहिले मसँग सञ्चारमाध्यममा आउनुभन्दा अगाडि जवाफ दिदा उहाँहरु थला पर्ने सम्भावना हुन्छ। त्यसकारण म उहाँहरुलाई थला पार्न चाहन्नँ। ’

सोही कार्यक्रममा प्रधानमन्त्रीले ओलीले आफूले ती बुद्धिजीवीहरुलाई जोनेको र वादविवाद अथवा आफूसँग सत्यहरुको सम्बन्धमा बहस गर्न इच्छाएको हो कि हैन भनेर समेत सोधेका छन्। उनले भनेका छन्,‘असभ्य ढंगले टिक्काटिप्पणी गरिरहँदा त्यसमा भएका अलिकति असलियत बाहिर आउँदा उहाँहरुको हालत के हुन्छ,त्यो विचार गर्नुपर्ने हो। ’

यस्तै,उनले सरकारकै भत्ता,पेन्सन खाने र सरकारी सुविधा लिएर जथाभावी बोल्ने प्रवृति देखिएको समेत बताए। गोपनियताको वास्ता नगर्ने प्रवृत्ति बढेको उनले बताए। प्रधानमन्त्री ओलीले आफूले अत्यन्तै अनुत्तरदायी र झूठो प्रचार देखेको समेत बताएका छन्। आफूविरुद्ध बुद्धिजीवीहरुले अपमानजनक टिप्पणी गरेपनि जवाफ नदिने बरु प्रश्न सोधिरहने बताए।्

एसिया प्यासिफिक सम्मेलनका क्रममा युनिभर्सल पिस फेडेरेसनबाट एक लाख डलरको पुरस्कार लिएपछि प्रधानमन्त्री ओलीविरुद्ध विभिन्न टिक्काटिप्पणी भइरहेका छन्।
यो पनि पढ्नुहोसः
ADVERTISEMENT
प्रतिक्रिया
पठाउनुहोस्
ADVERTISEMENT

प्रदेश योजना आयोग : पदाधिकारीले लिए शपथ

कान्तिपुर संवाददाता

विराटनगर — प्रदेश योजना आयोगका उपाध्यक्ष र सदस्यले बुधबार पद तथा गोपनीयताको शपथ लिएका छन् । प्रदेश १ को सरकारले केही समयअघि मानव अधिकारवादी नेता सुबोधराज प्याकुरेललाई प्रदेश योजना आयोगको उपाध्यक्ष र सदस्यमा पूर्ण लक्सम र मीना भण्डारीलाई नियुक्त गरेको थियो ।

प्रदेश योजना आयोग उपाध्यक्षमा सुबोधराज प्याकुरेल र सदस्यमा पूर्ण लक्सम र मीना भण्डारी प्रदेश १ का मुख्यमन्त्रीबाट पद तथा गोपनीयताको शपथ लिँदै ।तस्बिर : लीलावल्लभ घिमिरे/कान्तिपुर

मुख्यमन्त्री शेरधन राईबाट सपथ लिएसँगै उनीहरूले कार्यभार सम्हालेका छन् । आयोग पाँच सदस्यीय रहनेछ । २ सदस्य चाँडै नियुक्त गरिने जनाइएको छ ।

प्रदेशको विकासका लागि योजना आयोग गठन गरीएको राईले बताए । तिव्रगतिमा योजनावद्ध आधुनीक विकासलाई अघि वढाउने काम योजना आयोगले गर्ने राईको भनाइ थियो । शपथ ग्रहणपछि आयोगका उपाध्यक्ष सुबोधराज प्याकुरेलले अवसर र चुनौती एकै साथ आएको बताए । ‘बिना चुनौतीको अवसरले ठोस विकास हुन सक्दैन,’ उनले भने, ‘अबको हाम्रो ध्यान प्रदेश १ लाई आत्मनिर्भर बनाउन केन्द्रित हुनेछ ।’

सरकारले बजेट दिने कर्मचारीले टेन्डर निकाल्ने र ठेकेदारले काम गरेजस्तो गर्ने मोडलको विकासले समृद्धिका सपना पूरा नहुने उपाध्यक्ष प्याकुरेलको भनाइ थियो । ‘जबसम्म सचेत नागरिकको विकासमा सहभागिता हुँदैन, तबसम्म हामीले सोचेजस्तो विकास सम्भव छैन,’ उनले भने, ‘कर्मचारी छैनन्, त्यो छैन भन्ने बहाना मात्र हुन सबै काम हामीले गर्नुपर्छ भन्ने भावना जागो भने तीन वर्षमा यो प्रदेश नुमना बन्न सक्छ ।’

प्रदेश योजना आयोगले जनतालाई आत्मानिर्भर बनाउने उनको दावी थियो । अबको युग विकासको प्रतिस्पर्धाको भएकाले सबैको ध्यान त्यसतर्फ केन्द्रित हुन आवश्यक रहेको प्याकुरेलले बताए । प्रदेश योजना आयोगको कार्यालय मुख्यमन्त्री तथा मन्त्रिपरिषद् कार्यालयको सबैभन्दा माथिल्लो तलामा राखिएको छ ।

आयोगले प्रदेशको समग्र समृद्धिका लागि दूरगामी सोचसहितको दीर्घकालीन लक्ष्य, मार्गचित्र, नीति तथा योजना तर्जुमा गरी कार्यान्वयनको लागि सिफारिस गर्ने छ ।

यसैगरी आर्थिक, सामाजिक, भौतिक पूर्वाधार, जलस्रोत तथा ऊर्जा, प्राकृतिक स्रोत, मानवस्रोत व्यवस्थापन, सुशासनको रणनीति तथा योजना तयार पार्ने काम तोकिएको छ ।

प्रकाशित : मंसिर २०, २०७५ १०:३७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT