माइण्ड नेपालले सुरु गर्‍यो अमेरिकीस्तरको शिक्षा दिन प्री–स्कुल तालिम

कान्तिपुर संवाददाता

काठमाडौं — शिक्षामा आम नेपालीको पहुँचलाई सहज बनाउने प्रयासमा रहेको ‘म्यानेजमेन्ट इन्स्टिच्युट फर नेशनल डेभल्पमेन्ट’ (माइण्ड नेपाल)ले बाल एवं निम्न प्राथमिक शिक्षाको क्षेत्रमा विश्व मापदण्ड अनुसारको सफल क्वालिटि के.जी अमेरिकन प्री–स्कुललाई नेपालमा भित्र्याएको छ ।

यसै क्रममा माइण्ड नेपालले अमेरिकी स्तरको शिक्षा र अमेरिकन प्री–स्कुल प्रणाली–प्रविधि बारे नेपालमा हाल सञ्चालित मोन्टेसरी स्कुलहरुलाई जानकारी र तालिम दिन सम्मेलनको पनि आयोजना गरेको छ ।

Yamaha

क्वालीटी के.जी हालसम्म अमेरिका, बेलायत, क्यानडा, भारत, मलेसिया, बहराईन आदी मुलकमा बाल मनोविज्ञानमा आधारीत शैक्षिक प्रणालीलाई यथार्थमा लागू गर्न कार्यरत रहेको छ । सो सम्मेलनको अध्यक्षता पूर्व शिक्षा मन्त्री डा. गंगालाल तुलाधरले गरेका थिए । उक्त सम्मेलनमा अमेरिका र भारतका बाल–शिक्षा विशेषज्ञ तथा दूतावासका शिक्षा विभागका प्रतिनिधिहरु, नेपालका शिक्षा विदहरु लगायत १८० भन्दा बढी मोन्टेश्वरी स्कुलका सञ्चालक, प्राचार्य लगायत गरी ४०० भन्दा बढीको उपस्थिती थियो ।

उक्त सम्मेलनको उद्घाटन गर्दै पूर्व शिक्षा मन्त्री डा. तुलाधरले यस किसीमको प्रयास नेपाली शिक्षाको दिगो विकासका लागि सकारात्मक पहल भएको बताएका थिए ।

माइण्ड नेपालले यसभन्दा अघि विद्यालयस्तरको शिक्षा (कक्षा १ देखि १२सम्म) लाई विश्वस्तरिय मापदण्डमा लान ‘एडभान्सएड’ को पनि सुरु गरेको थियो । साथै, माइण्ड नेपालले एक बेलायती तालिम प्रदायक संस्थासंग सहकार्य गरी ‘सीपीडी’ (कन्टिन्युइङ प्रोफेसनल डेभलप्मेन्ट) नामक रोजगार अभिमुखीकरण तालिम पनि प्रदान गर्न थालेको छ । जो उच्च शिक्षा हासिल गर्न विदेश जाने जमर्काे गरेका युवालाई खास लाभदायक हुने मानिएको छ । सो तालिम बेलायत तथा अन्य युरोपेली राष्ट्र, अष्ट्रेलिया, मध्य पूर्वमा ‘सीपीडी’ र अमेरिकामा ‘सीपीई’ नामले परिचीत छ । त्यहाँका बैंकर्स एसोसिएसन, एमबीए एसोसिएसन लगायत अन्य विश्वस्तरिय संघ–संस्थाहरुद्वारा सो तालिमलाई अपरिहार्य तालिमको रुपमा लिने गर्छन् ।

प्रकाशित : कार्तिक २९, २०७४ १४:२६
ADVERTISEMENT
ADVERTISEMENT
प्रतिक्रिया
पठाउनुहोस्

वैदेशिक रोजगार विभागका महानिर्देशक पक्राउ

कान्तिपुर संवाददाता

काठमाडौं — वैदेशिक रोजगार विभागका महानिर्देशक विश्वराज पाण्डेलाई अख्तियार दुरुपयोग अनुसन्धान आयोगले पक्राउ गरेको छ । बुधबार बिहान भ्रष्टाचारमा संलग्न रहेको भन्दै छानविनको लागि उनलाई काठमाडौंबाट पक्राउ गरेको हो ।

मंगलबार बेलुका विभागका शाखा अधिकृत कृतिबल्लभ पौडेल र नायव सुब्बा खड्ग बहादुर केसीलाई पक्राउ गरेपछि उनीहरुले पाण्डेले पनि घुस लिएको भन्दै 'पोलेका' थिए । पौडेल र खड्का इन्द्रेणी फुडल्यान्डमा १० लाख रुपैयाँ घुस लिँदै गर्दा पक्राउ परेका थिए ।

दुवैले महानिर्देशकको नाम लिएपछि अख्तियारले उनलाई पक्राउ गरेको बताइएको छ ।

महानिर्देशक पाण्डे गत कार्तिकमा श्रम बिभागबाट रोजगार बिभागमा सरुवा भएर आएका थिए । पाण्डे प्रधानमन्त्री पत्नी आरजु राणाको दवावमा बिभागमा सरुवा भएको बताइन्छ । उनी मंसिर ५ गतेबाट अवकास हुनेछन् ।

बिभागमा म्यानपावरको अनुगमन, श्रम स्वीकृति, म्यानपावरविरुद्ध हुने उजुरी र म्यानपावारको दर्ता प्रक्रियामा ठुलो भ्रष्टाचार हुने गरेको छ । सरकारले नयाँ म्यानपावर दर्ता गर्न रोक लगाएपनि अदालतले आदेश दिएको भन्दै नयाँ दर्ता गर्ने प्रक्रियामा ठुलो चलखेल हुदै आएको छ । अख्तियारले यसअघि पनि म्यानपावर दर्ता प्रक्रियामा लेनदेन गरिरहेको बेला कर्मचारीलाई नगद सहित प्रक्राउ गरेको थियो । ब्यवसायीहरुका अनुसार एउटा म्यानपावर दर्ता गर्दा कम्तीमा दुई लाख रुपैयासम्म लिने गरिन्छ ।

शुन्य लागत (फ्रि भिसा र फ्रि टिकट) लाई कार्यान्वयन नगरेको भन्दै बिभागले ६ सयभन्दा बढी म्यानपावरको आर्थिक कारोवार छानविन प्रकरणमा समेत बिभागले ब्यबसायीसँग ठुलो रकम असुल गरेको ब्यबसायीले आरोप छ । व्यावसायीले आफ्नो काम रोक्का गर्ने भएपछि प्रति म्यानपावर तीन देखि ५ लाख रुपैयासम्म बुझाउनु परेको आरोप लगाउदै आएका छ ।


प्रकाशित : कार्तिक २९, २०७४ १४:१०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT