चीन जोड्ने एउटै सडकको जीर्ण अवस्था

शब्द/तस्बिर : बलराम घिमिरे

रसुवा — तातोपानी नाका बन्द भएपछि उत्तरी छमेकी चीनलाई जोड्ने एउटै अन्तर्राष्ट्रिय नाका पासाङल्हामु मार्गको स्याफ्रुबेंसी–रसुवागढी जीर्ण छ । पुनर्निर्माण तथा स्तरोन्नतीमा सम्बन्धित निकायले ध्यान नदिँदा दैनिक सयौं सवारी र हजारौंले दु:ख पाएका छन् ।

सडकको स्याउबारी, राम्चे, ग्राङ र मूलखर्क, खोपाङको भीर, सानु भार्कु र स्याफ्रुबेसी रसुवागढी सडक खण्डको फ्याङलुङ खोला लिङलिङ टिमुरे लगायत धेरै ठाउँमा पहिरो गएको छ । २०४२ सालमा निर्माण भएको सिंगल लेन रहेको सडक साँघुरो हुँदा गाडीले अर्को साइडबाट आएको गाडीलाई साईड दिनसमेत समस्या छ ।
एशियाली विकास बैंकको सहयोगमा गरिएको कालोपत्रे भत्किएर बनेको खाल्टाखुल्टीले सडकयात्रा झनै जोखिमपूर्ण बनाएको छ । सडकमा बनेको खाल्टाखुल्टी र सिंगल लेनको साँघुरो सडकले गर्दा दिनहुँ जसो गाडी दुर्घटनामा पर्ने गरेको छ ।
भूकम्पपछि सिन्धुपाल्चोकको तातोपानी नाका बन्द भएपछि रसुवा रसुवागढी नाका पूर्णरुपमा सञ्चालनमा आएको छ । रसुवागढी नाका सञ्चालनमा आएदेखि पासाङल्हामु मार्ग हुँदै अहिले दैनिक सयौं कन्टेनर ओहोरदोहोर गर्ने गरेका छन् । साँघुरो सिंगल लेन रहेको भीरको बाटोबाट गाडी चलाउनु पर्दा ज्यानकै बाजि थाप्नु पर्ने चालक तारानाथ खतिवडा बताउँछन् ।
सरकारले पासाङल्हामु मार्ग सडक खण्ड सुधार गर्न बेवास्ता गरेकोमा चालकहरुको दुखेसो छ । करिब एक वर्षअघि सडक खण्डको पूर्वाधार स्तरोन्नती गर्ने विषयमा पनि निकै चर्चा चलेको थियो । रसुवागढी नाका जोड्ने पासाङल्हामु मार्ग साँघुरो र सिंगल लेनको रहेको भन्दै सडक स्तरोन्नती गर्ने र ठाउँठाउँमा गाडीलाई साइड दिनका लागि तत्काल 'पासिङ जोन' बनाउने सरकारले योजना समेत सार्वजनिक गरेको थियो ।
सरकारले सडक स्तरोन्नती गर्ने घोषण गरेको दुई वर्ष बितिसक्दा पनि अहिलेसम्म केही काम भएको छैन । सडक दिनदिनै दयनीय बन्दै जान थालेको छ । ठाउँठाउँमा भएको खाल्टाखुल्टीले झनै समस्या भएको चालकहरु बताउँछन् । साँघुरो सडक ठाउँठाउँमा गाडीलाई साईड दिनका लागि पासिङ जोन नहुँदा चालकहरुले समस्या झेल्नु परेको छ ।
सिंगल लेन साँघुरो सडकको बीच बाटोमै पुगेर ट्रक तथा कन्टेनरहरु बिग्रन्छ साईड दिने ठाउँ नहुँदा घण्टौसम्म जाम हुने गरेको छ ।

Yamaha

प्रकाशित : वैशाख २२, २०७४ १२:५६
ADVERTISEMENT
ADVERTISEMENT
प्रतिक्रिया
पठाउनुहोस्

दुई वर्षदेखि अस्थायी टेन्टमै जिल्ला अस्पताल

शब्द/तस्बिर : बलराम घिमिरे

रसुवा — भुकम्प गएको दुई वर्ष वित्न लाग्दा समेत रसुवा जिल्लाको जिल्ला अस्पताल अस्थायी टेन्टकै भरमा संचालन भइरहेको छ । भूकम्प पछि तत्कालै क्यानेडीयन रेकक्रसले निर्माण गरेको अस्थायी टेन्टकै भरमा अझै पनि जिल्ला अस्पताल सञ्चालन हुँदै आएको छ ।

भुकम्प गएको दुई वर्ष वित्न लाग्दा समेत रसुवा जिल्लाको जिल्ला अस्पताल अस्थायी टेन्टकै भरमा संचालन भइरहेको छ ।

भूकम्प पछि तत्कालै क्यानेडीयन रेकक्रसले निर्माण गरेको अस्थायी टेन्टकै भरमा अझै पनि जिल्ला अस्पताल सञ्चालन हुँदै आएको छ । स्वास्थ्य क्षेत्र जस्तो संवेदनशील क्षेत्र दुई वर्षदेखि टेन्टकै भरमा सञ्चालन हुादा बिरामीले अनेक सास्ती भोग्नु परेको छ । टेन्टबाट उपचार गराउादा अस्पतालमा भर्ना हुन आउने सुत्केरी महिला, बालबालिका तथा बृद्धबृद्धा बढि प्रभावित हुने गरेको जिल्ला स्वास्थ्य प्रमुख डा. झलक शर्मा गौतमले बताए ।

२०७२ वैशाख १२ गते गएको विनाशकारी भूकम्पले १५ शैया रहेको जिल्ला अस्पताल पूर्ण रुपमा क्षति भएको थियो । भवन अभावको कारण कुन सामाग्री कता छ भनेर भेटाउनै मुस्किल हुने गरेको छ । जटिल अबस्थाका बिरामीलाई उपचार गराउने ठाउाको समेत अभाव छ । अस्पतालको बैकल्पिक व्यवस्था नहुदाा दैनिक जसो उचार लिन आउने र दिने दुवैले सास्ती भोग्नुपरेको उपचारमा संग्लग्न स्वास्थ्यकर्मीहरु बताउाछन् । अहिले क्यानेडीयन रेकक्रसको आर्थिक सहयोगमा नेपाल रेडक्र सोसाइटी मार्फत प्रिफ्याब भवन निर्माण कार्य भइरहेको छ ।

प्रकाशित : चैत्र २९, २०७३ १३:४८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT