सिंगारियो लुम्बिनी [फोटोफिचर]

मनोज पौडेल

कपिलवस्तु — बुद्धस्थल लुम्बिनी सिंगारिएको छ । २५६१औं बुद्धजयन्ती मनाउनका लागि ठाउँ ठाउँमा तुल, व्यानर र लुङ्गदार टाँगेर सजाइएको छ । करिब डेढ किमि लामो केन्द्रीय नहरको दुवैतिर ध्वजापताका टाँगेर सिगारिएको छ । विभिन्न मुलुकका बौद्ध विहार र गुम्बा लुङ्दार र ध्वजापताकाले सजाइएका छन् । लुम्बिनी स्वागत गर्न तम्तयार जस्तै बनेको छ ।

विभिन्न विहार र टेम्पलमा पूजाआजा थालिएको छ । ठाउँ ठाउँमा विश्वशान्ति र धर्मदेशनाको कामना गर्दै मंगल धुन बजाएर माहोल शान्तिप्रति समर्पित गरिएको छ । यहाँ चहलपहल बढेको छ । बुधबार औपचारिक कार्यक्रम गरी बुद्धजयन्ती मनाइँदैछ । कार्यक्रमका प्रमुख अतिथि उपराष्ट्रपति नन्दकिशोर पुन रहेका छन् । स्वदेशी विदेशी पर्यटकले लुम्बिनी भरिभराउ बन्दै गएको छ । मायादेवी मन्दिर र पुष्करणी पोखरी पनि सरसफाई गरी राम्रो बनाइएको छ । 

प्रकाशित : वैशाख २६, २०७४ १४:३१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

कांग्रेस महामन्त्री कोइराला नै हेलिकप्टर चढेर चुनावी सभामा

निर्वाचन आयोग प्रवक्ता शर्माका अनुसार एउटा पार्टीबाट मुख्य प्रचारक र सहायक प्रचारकले मात्र आफ्नो खर्चमा हेलिकप्टर प्रयोग गर्न पाउने निर्वाचन आचारसंहितामा उल्लेख छ ।

नवलपरासी — कांग्रेस महामन्त्री शशांक कोइरालाले नवलपरासीको आफ्नो निर्वाचन क्षेत्रमा हेलिकप्टरको प्रयोग गरेर चुनावीसभा गर्दै हिँडेका छन् । नवलपरासीको दुर्गम पहाडी गाउँमा आयोजित चुनावी सभामा कांग्रेसका पक्षमा मत माग्न उनी हेलिकप्टरमा आएका हुन् ।

कांग्रेस महामन्त्री शशांक कोइरालाले नवलपरासीको आफ्नो निर्वाचन क्षेत्रमा हेलिकप्टरको प्रयोग गरेर चुनावीसभा गर्दै हिँडेका छन् ।

नवलपरासीको दुर्गम पहाडी गाउँमा आयोजित चुनावी सभामा कांग्रेसका पक्षमा मत माग्न उनी हेलिकप्टरमा आएका हुन् । मंगलबार एकै दिन ७ वटा स्थानमा आयोजित चुनावी सभामा उनले सम्बोधन गर्ने कार्यक्रम तय भएको कांग्रेसले जानकारी दिएको छ । कांग्रेस जिल्ला प्रचार समितिले नवलपरासीको पहाडी ७ स्थानमा आयोजना गर्ने चुनावी सभामा कोइरालाले सम्बोधन गर्ने कार्यक्रममा सहभागी जनाउन अपिल गर्दै अघिल्लै दिनदेखि टोलटोलमा माइकिङ गरिएको थियो ।

कोइरालासँग कांग्रेसका केन्द्रीय सदस्य गुरुप्रसाद घिमिरे पनि आएका छन् । मंगलबार दिउँसो नवलपरासीको पहाडी बाह्रकोलमा पहिलो चुनावी सभा गरेका छन् । सभामा भेला गराउन टाढाटाढाबाट स्थानीयहरु पैदल आएका छन । मंगलबर नवलपरासीकै बुलिंटार, डेढगाउँ, कीर्तिपुर, झयाल्बास, बन्दीपुर र कावासोती नगरपालिकाको बिष्णुनगरमा कांग्रेसद्वारा आयोजित चुनावी कार्यक्रममा उनले सम्बोधन गर्ने कार्यक्रम रहेको कांग्रेसले जनायो ।

पहाडी बाह्रकोलको चुनावी सभामा बोल्दै कांग्रेस महामन्त्री कोइरालाले नेपाली कांग्रेसले जितेमात्र देशमा स्थायित्व आउने दाबी गरे । सभामा बोल्दै कोइरालाले स्थानीय चुनावको ठुलो महत्व रहेको र पहाडको विकासलाई आफूले जहिले पनि प्रथामिकतामा राखेको बताए । सभामा भन्दा पनि हेलिकप्टर हेर्न भन्दै टाढाटाढाबाट मतदाताहरु सभा स्थलमा भेला भएका छन् । महामन्त्री कोइरालाले हेलिकप्टर प्रयोग गरेर चुनावी सभामा आएपछि अन्य दलका नेताहरुले पनि त्यसै गर्नपर्ने दबाब बढेको छ ।

निर्वाचन आयोगका प्रवक्ता सूर्यप्रसाद शर्माले एउटा पार्टीबाट मुख्य प्रचारक र सहायक प्रचारक गरी बढीमा दुईजनाले मात्र आफ्नो खर्चमा हेलिकप्टर प्रयोग गर्न पाउने निर्वाचन ऐनमा व्यवस्था रहेको कान्तिपुरलाई बताए । उनले हेलिकप्टर प्रयोगबापतको खर्च विवरण आयोगमा पेस गर्नपर्ने व्यबस्था रहेको पनि जानकारी दिए ।

कांग्रेस केन्द्रीय कार्यालयले त्यस पार्टीका कस्कस्लाई मुख्य प्रचारक र सहायक प्रचारक तोकेको भने आफूलाई जानकारी नरहेको प्रवक्ता शर्माले टेलिफोनमा बताए । कांग्रेस जिल्लाले पार्टीको निजी खर्चमा हेलिकप्टर चार्टरको व्यवस्था गरिएको जनायो ।

प्रकाशित : वैशाख २६, २०७४ १४:३१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT