'सभा' जस्तै म्यादी आवेदकको भीड [फोटोफिचर]

सन्तोष सिंह

धनुषा — जनकपुरस्थित निधि स्मृति भवनमा युवाहरु खचाखच भरिएको छ । बिहान ७ बजेदेखि नै आगामी मंसिरमा हुने प्रतिनिधिसभा र प्रदेशसभा सदस्यको निर्वाचनमा म्यादी प्रहरीका लागि आवेदन दिन जम्मा भएको दृश्यले बेरोजगारको उजागर गरेको छ । आश्विन २७ र २८ गते दुई दिनमा १० हजार ५ सय जनाले म्यादी प्रहरीका लागि आवेदन दर्ता गराएका छन् । आइतबार आवेदन दर्ता जारी छ ।

स्थानीय निकायको चुनाव गराउन यहाँ म्यादी प्रहरी भर्ना भए । तर, चुनाव तोकिएको मितिमा नहुँदा जिम्मावारी पूरा नै नगरी तलब थापेकाहरुलाई म्यादी मोह गएको छैन । क्याम्पस पढ्ने युवाहरु म्यादीको अग्रपंतिमा देखिएका छन् । आवेदन दिनेहरुको भीड नियन्त्रण गर्न यहाँ लाठीजार्च समेत गर्नु परेको छ । आवेदन फारम भर्नहरुका कारण जिल्ला प्रहरी कार्यालय आसपासको क्षेत्रमा भीडभाड लागेको छ ।

दिनभरी लाम लागेर आवेदन बुझाएकाहरुलाई म्यादी प्रहरी प्रवेश पत्र बुझाउन समेत एक दिन घाममा कुर्नु परेको छ । भीड बढेपछि सांस्कृतिक कार्यक्रम गरे जस्तै दर्शकदीर्घामा आवेदकलाई बसाएर पालैपालो नाम बोलाएर प्रवेश पत्र वितरण गरिँदै छ । जनकपुरस्थित निधि स्मृति भवनमा म्यादी प्रहरीमा आवेदन दिनेको भीड तस्बिरमा समेटिएको छ :

प्रकाशित : आश्विन २९, २०७४ १६:१८
ADVERTISEMENT
प्रतिक्रिया
पठाउनुहोस्
ADVERTISEMENT

कांग्रेस र लोकतान्त्रिक फोरमबीच एकताको घोषणा हुँदै

फोरम नेता चौधरी भन्छन्, 'एकताको कुरो टुंगिएको छैन'
कुलचन्द्र न्यौपाने

काठमाडौं — नेपाली कांग्रेस र नेपाल लोकतान्त्रिक फोरमबीच पार्टी एकता हुँदैछ । आज साँझ साढे ५ बजे प्रधानमन्त्री निवास बालुवाटारमा दुई पार्टी एकता घोषणा हुने कार्यक्रम रहेको प्रधानमन्त्री तथा का‌ंग्रेस सभापति शेरबादुर देउवाका प्रेस सल्लाहकार गोविन्द परियारले जानकारी दिए ।

नेपाली कांग्रेस र नेपाल लोकतान्त्रिक फोरमबीच पार्टी एकता हुँदैछ । आज साँझ साढे ५ बजे प्रधानमन्त्री निवास बालुवाटारमा दुई पार्टी एकता घोषणा हुने भनिए पनिनिर्वाचन आयोगमा समानुपातिक तर्फका उम्मेदवारको बन्दसूची बुनाउन कार्य केही ढिलाइ भइरहेको प्रधानमन्त्री तथा कांग्रेस सभापति शेरबादुर देउवाका प्रेस सल्लाहकार गोविन्द परियारले जानकारी दिए । तर, लोकतान्त्रिक फोरम नेता योगेन्द्र चौधरीले कांग्रेससँगको एकता विषय टुंगिन बाँकी रहेको बताएका छन् । कान्तिपुरसित कुरा गर्दै चौधरीले भने, 'कांग्रेस पार्टी एकता विषयमा पूर्ण गृहकार्यसहित नआएकोले कुरा मिलेको छैन, त्यसैले हामी समानुपातिकतर्फको बन्दसूची बुझाउन निर्वाचन आयोज जाँदैछौं ।'

यसअघि सोमबार नै हुने भनिएको पार्टी एकता आन्तरिक व्यवस्थापन नमिलेको कारण देखाउँदै रोकिएको थियो । लोकतान्त्रिक फोरमका अध्यक्ष विजयकुमार गच्छदारले आफ्नो पार्टीका नेतालाई व्यवस्थापन गर्न माग गरेअनुसार प्रत्यक्ष र समानुपातिक सिट संख्या नमिलेका कारण पार्टी एकता रोकिएको थियो ।

प्रकाशित : आश्विन २९, २०७४ १६:१८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT