१० दिनदेखि बेपत्ता

छोटकरी

जिल्लाको कावासोती नगरपालिका २ भाट्टोलाका ४५ वर्षीय लक्ष्मण थापा १५ दिनदेखि सम्पर्कविहीन भएका छन्।

 

नवलपरासी (कास) उनका परिवारले खोजी गरिदिन पत्रकार, प्रहरी, नागरिक समाजलाई आग्रह गरेका छन्। साउन १ गते काठमाडांैबाट नवलपरासीतर्फ फर्कंदै गर्दा चितवनको मुग्लिनसम्म सम्पर्कमा रहेका उनी एक्कासि सम्पर्कविहीन भएको श्रीमती रुचिका थापाले बताइन्। आमाको अप्रेसनका लागि असार २९ गते काठमाडांै गएका थिए। घरबाट राम्रैसँग निस्किएका र साउन १ गते साँझ ७ बजेसम्म फोन सम्पर्कमा रहेका उनी बेपत्ता भएपछि परिवार पिरोलिएका छन्। उनले कावासोतीमा पुस्तक पसल सञ्चालन र हकरको काम गर्दै आएका थिए।

Yamaha

बाघ दिवसमा र्‍याली
चितवन (कास)– सौराहामा ७ औं विश्व बाघ दिवसका अवसरमा शनिबार चेतनामूलक र्‍याली निकालिएको छ। र्‍यालीमा संरक्षणकर्मी, पर्यटन व्यवसायी, विद्यार्थी, विभिन्न भजन समूहको सहभागिता थियो। ‘बाघ संरक्षणमा सहभागी बनौं,’ ‘२०२२ सम्म बाघको संख्या दोब्बर पारौं,’ ‘बन्यजन्तु तस्करलाई बहिस्कार गरौं’ प्लेकार्ड बोकेर र्‍यालीमा सहभागी हुनेको संख्या उल्लेख्य थियो। बाघ संरक्षण उपसमितिले संयोजन गरेको कार्यक्रममा संरक्षणसम्बन्धी कार्यमा सक्रिय विभिन्न संघसंस्थाको पनि सहभागिता थियो। 

‘क्याराभान’ अभियान
नवलपरासी (कास)– वैदेशिक रोजगारीमा जाने नेपाली आप्रवासी श्रमिकको अधिकार सुरक्षित गर्न शनिबार परासीमा हस्ताक्षर संकलन गरिएको छ। एम्नेस्टी इन्टरनेसनल नेपालद्वारा आप्रवासी श्रमिकहरूको अधिकार सुनिश्चित र समस्याप्रति सरकारलाई संवेदनशील बनाउने उद्देश्यले सञ्चालन गरिएको राष्ट्रव्यापी दबाबमूलक अभियान ‘क्याराभान’ अन्तर्गत हस्ताक्षर संकलन गरिएको हो। वैदेशिक रोजगारीमा जाने नेपाली आप्रवासी श्रमिकको अधिकार सुनिश्चित गराउन, श्रमिकको अधिकार उल्लंघन भएको अवस्थामा न्याय कसरी पाउने र सरकारलाई यससम्बन्धी समस्याको सम्बोधन गर्न पहलहरू चाल्न सकारात्मक दबाब दिने उद्देश्यले ‘क्याराभान’ अभियान चलाइएको परासी संयोजक विजय जयसवालले बताए ।

डायलासिस मेसिन थप्दै
बुटवल (कास)– यहाँको गौतमबुद्ध सामुदायिक मुटु अस्पतालले १० वटा डायलासिस मेसिन थप गर्ने भएको छ। अस्पतलाले अहिलेसम्म ७ वटा मेसिनबाट सेवा प्रदान गर्दै आएको थियो। अब १७ वटा मेसिनबाट डाइलासिस सेवा प्रदान गर्ने काठमाडांै बाहिरको सबैभन्दा ठूलो युनिटका रूपमा स्थापित भएको छ। अहिले अस्पतालमा दैनिक ४५ देखि ५० जना बिरामीले नि:शुल्क डायलासिस सेवा लिइरहेका छन्।

प्रकाशित : श्रावण १५, २०७४ ०९:५५
ADVERTISEMENT
प्रतिक्रिया
पठाउनुहोस्
ADVERTISEMENT

कैदीबन्दीलाई चर्मरोग

कान्तिपुर संवाददाता

लमजुङ — लमजुङ कारागारका कैदीबन्दीहरूमध्ये धेरैलाई छालासम्बन्धी रोग पाइएको छ। कारागारमा शनिबार आयोजित स्वास्थ्य शिविरमा स्वास्थ्यकर्मीले यस्तो बताएका हुन्।

जनस्वास्थ्य कार्यालय, लमजुङ जिल्ला सामुदायिक अस्पताल र रोट्रयाक्ट क्लबले शिविर आयोजना गरेका थिए। डा. हिक्मत भण्डारीले भने, ‘धेरै जनामा छालाको एलर्जी देखियो। ग्यास्ट्रिक र सुगरका बिरामी पनि उत्तिकै भेटिए। केही दीर्घ रोगीसमेत छन्।’ कैदीबन्दीले प्रयोग गर्ने पानी फोहर भएको हुन सक्ने उनले बताए। ‘छालाजन्य रोगहरू प्राय: फोहर पानीले हुने गर्छ,’ उनले भने। छालासम्बन्धी रोगहरू गम्भीर प्रकृतिको नदेखिए पनि यसले पछि समस्या पार्न सक्ने उनले बताए। ‘छालासम्बन्धी समस्यालाई हामी साधारण रूपमा लिन्छौं। पछि घाउ हुन गई यसले ठूलो रूप लिन सक्छ,’ उनले भने, ‘समयमै उपचार आवश्यक छ।’ महिलामा भने सेतोपानी बग्ने, टाउको दुख्ने समस्या देखिएको उनले बताए।
अर्का चिकित्सक राजेश श्रेष्ठले केहीमा झाडापखाला र जन्डिसको संकेतसमेत देखिएको बताए। ‘कारागारभित्रै हामीले ल्याब परीक्षण गर्न सक्ने अवस्था भएन। परीक्षण र थप उपचारका लागि अस्पतालमा आउन भनेका छौं,’ उनले भने।
जेलर काजीमान सुनारका अनुसार कारागारमा हाल ५९ पुरुष र ७ महिला गरी ६६ जना कैदीबन्दी छन्। लागूऔषध मुद्दामा पक्राउ परेका एक जना विदेशी पनि छन्। शिविरमा सबैको स्वास्थ्य परीक्षण गरिएको हो। ‘घ’ श्रेणीको उक्त कारागार २५ जना क्षमताको हो। कारागारमा रहेकामध्ये ५३ कैदी र १३ बन्दी छन्। प्रमुख जिल्ला अधिकारी युवराज मैनालीले कैदीबन्दीलाई कुनै समस्या भए भन्न अनुरोध गरे। उनले कारागार प्रशासनलाई हरेक ३/३ महिनामा कैदीबन्दीका लागि स्वास्थ्य शिविर सञ्चालन गर्न निर्देशन पनि दिए।

प्रकाशित : श्रावण १५, २०७४ ०९:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT