हात्ती आक्रमणमा मृत्यु

इलाका प्रहरी ठोरीका अनुसार सुतिरहेका बालकलाई सुँडले बेरेर घरबाट करिब २० मिटर पर सडकमा लगी कुल्चेको थियो । प्रजाको २ वटा घर पनि हात्तीले भत्काएको छ । ठोरी क्षेत्रमा ५ वर्ष अघि वन्यजन्तुको प्रवेश रोक्न निकुञ्जको बाहिरी क्षेत्रमा विद्युतीय तारबार गरिए तापनि त्यो अहिले काम नलाग्ने भएको छ । दुई सातायता प्राय: रातको समयमा गाउँ छिर्ने हात्ती धपाउन अधिकांश ठोरीवासीको रात अनिदो बितिरहेको स्थानीय प्रेम लामाले बताए ।