पहिरोले विद्यालयमा क्षति
गोरखा — धार्चे गाउँपालिका ३ उहिया खोलास्थित सातकन्या माध्यमिक विद्यालयको कक्षाकोठामा पहिरोले क्षति पुगेको छ । विद्यालय पछाडिको ढिस्कोबाट खसेको पहिरोले भूकम्पपछि बनाइएको अस्थायी टहरोमा पूर्णरूपमा क्षति पुगेको शिक्षक अमित गुरुङले बताए ।
‘कक्षाकोठामा नै ठूलाठूला ढुंगा पसेर क्षति पुगेको छ,’ उनले भने ।
पहिरोमा खसेर ढुंगा माटोले डेक्स बेन्चसमेत भाँचिएको उनले बताए । ‘टहरोमा कक्षा बनाएर पढाइ भएको थियो, पहिरोले कक्षा कोठा पुरिएपछि पढाउने ठाउँ पनि छैन,’ उनले भने । कक्षा ७ को कक्षाकोठालगायत ४/५ वटा कक्षामा पहिरो हटाए पनि पठनपाठन गर्न जोखिमपूर्ण हुने उनको भनाइ छ ।
प्रतिक्रिया