थालेसिमियाको औषधि अभाव

नेपालमा यो रोगको औषधि खपत नै कम भएकाले सबै फार्मेसीले औषधि बेच्न नमान्ने थालेसिमिया सोसाइटीका अध्यक्ष दुर्गा पाठकले बताए । थालेसिमिया रोगीका दम्पतीबाट जन्मने ५० प्रतिशत सन्तानमा यो रोग देखिने चिकित्सकहरू बताउँछन् । यो रोगका ५ प्रतिशत बालबालिका मात्रै औषधि किनेर खान सक्ने परिवारबाट हुने अध्यक्ष पाठकले बताए ।
काठमाडौं नारायणटारका ९ वर्षीय एन्जेल ढुंगाना २ वर्षदेखि थालेसिमिया बिरामी हुन् । उनलाई रगतको क्यान्सर नै भएको छ, उनलाई तीन सातामा रगत फेर्नुपर्ने उनकी आमा कमलाले बताइन् । ‘महिनामा ५ हजारको औषधि खानुपर्छ, एकातिर औषधि खर्चका लागि भांैतारिनुपर्छ, अर्कातिर भनेका बेलामा फार्मेसीमा औषधि पाइँदैन,’ उनले भनिन् । बालरोग विशेषज्ञ अजित रायमाझीका अनुसार थालेसिमिया शरीरमा राम्रोसँग रक्तकोषको विकास हुन नसक्दा देखापर्ने रोग हो ।