यात्रुलाई कष्ट नदिऔं

मुग्लिङ–नारायणघाट राजमार्गमा गत आइतबारको दिन यात्रा गर्दा भोगेका र देखेको केही दृश्य :जम्मा ३६ कि.मि. सडक पार गर्न १२ घण्टाभन्दा बढी समय लागेको थियो ।

मुग्लिङ–नारायणघाट राजमार्गमा गत आइतबारको दिन यात्रा गर्दा भोगेका र देखेको केही दृश्य :
जम्मा ३६ कि.मि. सडक पार गर्न १२ घण्टाभन्दा बढी समय लागेको थियो । सडक र जामबारे जानकारी दिने कुनै सूचनापाटी, ट्राफिक पुलिस वा निर्माण कम्पनीको तर्फबाट कर्मचारी परिचाल गरिएको देखिएन । विपरीत दिशाबाट आएका गाडीले एउटा ट्रकको दायांँ पछाडि हेर्ने ऐना फुटाइदिएकामा त्यसको क्षतिपूर्ति रु. २५० नपाउन्जेल हलचल नगर्ने भनी ट्रक ड्राइभरले आधा घण्टाभन्दा बढी रोकी सडक जाम गरेको । प्रत्येक २/४ सय मिटरमा घन्टौं जाम भएको । तर १०/१२ वटा
आपत्कालीन र त्यत्तिकै संख्यामा सेतो नम्बर प्लेटका गाडीहरू अनि तिनलाई पछ्याउंँदै केही अन्य गाडी बेलाइनबाट कुदेको । लामो जाम हुंँदा कतिपय गाडीका चालक गहिरो निद्रामा पुगेको र अपर्झट गाडी चलाउँंदा दुर्घटना हुन सक्ने । शौचालय र बजार पनि ठाउंँ–ठाउंँमा नहुनाले विशेषगरी महिला तथा विदेशी यात्रुहरूले अति नै दुख:कष्ट भोग्नुपरेको अवस्था देखियो । दैनिक हजारौंले यात्रा गर्ने उक्त सडकको दुरवस्थाले यात्रुको दैनिक समय अनाहकमा नष्ट भइरहेको छ । यसतर्फ सम्बन्धित सरोकारवालाहरूको ध्यान जाओस् ।
– पूर्णमान श्रेष्ठ
टेङ्गल टोल, काठमाडौं

प्रकाशित : मंसिर ४, २०७४ ०८:५२
प्रतिक्रिया
पठाउनुहोस्

चुनावी नारा मात्रै नबनोस्

लामो समयदेखि ७५० मेगावाट क्षमताको जलाशययुक्त पश्चिम सेती आयोजनाले चर्चा पाउँदै आएको छ । तर अहिलेसम्म यसको निर्माण कार्य प्रारम्भ हुनसकेको छैन । आयोजना निर्माण गर्न विद्युत प्राधिकरण र चीनको ‘चाइना थ्री गर्जेज इन्टरनेसनल कर्पोरेसन’बीच बिहीबार सम्झौता पनि भएको छ ।

तर अहिले पनि आयोजना निर्माण स्थलका बासिन्दामा आशंका नै छ । विगतमा पनि आयोजनाको कार्यले तीव्रता पाउँछ भनी ढाँटिएका बासिन्दा अझै पनि बन्दैन कि भनेर दोधारमा बसेका हुन् । नेताहरूले भने जनतालाई आयोजना बन्छ भनेर धेरै वर्षदेखि आश्वासन बाँडिरहेका छन् । चुनावका बेलामात्रै आयोजनाले चर्चा पाउने गरेको छ । अघि–पछि भने यहाँका नेताहरू यसबारे मौन बसेका छन् । यो चुनावमा पनि पश्चिम सेती निर्माण गर्ने भनी यस क्षेत्रबाट चुनाव उठ्ने उम्मेदवारले प्रमुख चुनावी नारा बनाएका छन् । कतिपय स्थानीयले भने अहिले नेताहरूले चुनाव जित्नका लागि मात्रै पश्चिम सेतीको कुरा गरिरहेको आरोप लगाएका छन् । देशको भविष्यसंँग जोडिएको उक्त आयोजना निर्माण कार्यमा अब कुनै पनि हालतमा अघि बढ्नुपर्छ ।
– लोकेश धामी
कैलाली, धनगढी–५, हसनपुर 

प्रकाशित : मंसिर ४, २०७४ ०८:५१
पूरा पढ्नुहोस्
प्रतिक्रिया
पठाउनुहोस्