मनीष र आशिषको गतिलो प्रदर्शन

कान्तिपुर संवाददाता

काठमाडौं — नेपालमा फिडे मास्टर मनीष हमाल र आशिष फुयालले राजधानीमा जारी एसियन जोनल ३.२ चेस प्रतियोगितामा आफ्नो गतिलो प्रदर्शन सोमबार पनि कायम राखेका छन् ।

२०८१ रेटेड मनीषले दोस्रो चरणमा २४२२ रेटेड बंगलादेशी जीएम नियाज मुर्सद र १८०१ रेटेड आशिषले बंगलादेशी आईएम २३४३ रेटेड अबु सफियन सकिलसँग बराबरी खेलका थिए ।

२०३६ रेटेड सीएम क्षितिज भण्डारीले बंगलादेशी एफएम २३४१ रेटेड रहमान मोहम्मद तवीरसँग बराबरी गरे । मदनकृष्ण कायस्थ शीर्ष वरीयताका बंगलादेशी जीएम जियाउर रहमानसँग पराजित भए । बंगलादेशी जीएम अब्दुल्ला अल रकिबले हिमाल लामा, नवीन तण्डुकारले मोहनसिंह प्रधान, भवगतीप्रसाद शर्माले मोहम्म्द इमरान खान तथा अहमद एमन इब्राहिमले रञ्जन कुँवरलाई हराए ।

महिलातर्फ शीर्ष वरीयताकी आईएम बंगलादेशी समिमा अख्तरले आफ्नै देशकी डब्लूएफ नजराना खान, बंगलादेशी आईएम हमिद रानीले श्रीलंकाकी सुमेई जयनेब र नेपालका मतिना कुसीले पूनम प्रसाईंलाई हराए । सविना श्रेष्ठले शान्ता थापासँगको खेलमा जित हात पारिन् ।

प्रकाशित : चैत्र ८, २०७३ ०८:५१
प्रतिक्रिया
पठाउनुहोस्

काँकडभिट्टा गोल्डकप नाफामा

कान्तिपुर संवाददाता

काँकडभिट्टा — मेची नेत्रालय काँकडभिट्टा गोल्डकपवाट आयोजकले करिब साढे ७ लाख रुपैयाँ बचत गरेको छ । काँकडभिट्टा फुटबल ट्रेनिङ सेन्टरले पुस १६ देखि २३ सम्म काँकडभिट्टा माविको मैदानमा प्रतियोगिता गरेको थियो ।

सोमबार पत्रकार सम्मेलनमा आयोजकका कोषाध्यक्ष नोर्बु शेर्पाले कुल ३९ लाख २३ हजार ४ सय ६३ रुपैयाँ आय र ३१ लाख ८७ हजार ८० रुपैयाँ खर्च भएको बताए । ‘करिब ७ लाख ३६ हजार ३ सय ८३ रुपैयाँ प्रतियोगितावाट नाफा भएको छ,’ उनले भने ।

आयोजक समिति अध्यक्ष मीनवहादुर बस्नेतले बचत रकमलाई काँकडभिट्टाको फुटबल विकास र मैदान मर्मतमा खर्चिने बताए । उनले अर्को वर्ष प्रतियोगिताको स्तर वृद्धि गरी पुरस्कार राशिसमेत बढाउने योजना सुनाए । ‘नाफा भएको सबै रकम फुटबल विकास र प्रवद्र्धनमै खर्च गर्नेछौ’, बस्नेतले भने, ‘दुरुपयोग गर्ने छैनौं ।’
यसैबीच आयोजकले दुई पत्रकार रमेश समदर्शी र फोटो पत्रकार कृष्ण सिन्जालीलाई सम्मान गरेको छ । उनीहरूले जनही ५ हजार ५ सय रुपैयाँ पाए ।

प्रकाशित : चैत्र ८, २०७३ ०८:५१
पूरा पढ्नुहोस्
प्रतिक्रिया
पठाउनुहोस्