म्यानचेस्टर सिटी च्याम्पियन्स लिग नजिक
काठमाडौं — म्यानचेस्टर सिटीले मंगलबार राति इङलिस प्रिमियर लिगमा वेस्ट ब्रुमलाई ३–१ ले हरायो र युरोपेली च्याम्पियन्स लिग छनोटको नजिक पुग्यो । सिटीको जितमा ग्याब्रिएल जेसस, केभिन डे ब्रुन र याया टुरले गोल गरे ।
यो जितपछि सिटी फेरि लिग तालिकाको तेस्रो स्थानमा फर्केको छ । उसको ७५ अंक भएको छ र यो चौथोमो रहेको लिभरपुलमाथि दुई अंकको अग्रता हो ।
मंगलबारकै अर्को खेलमा आर्सनलले सन्डरल्यान्डलाई २–० ले हरायो । दुवै गोल एलेक्स सान्चेजले गरे । यस जितले आर्सनलको शीर्ष चारमा रहेर च्याम्पियन्स लिगमा छनोट खेल्ने सम्भावना जीवन्त रह्यो ।
प्रकाशित : जेष्ठ ३, २०७४ ०७:३१प्रतिक्रिया