गणेश र मतिना च्याम्पियन
भक्तपुर — भक्तपुर जिल्ला बुद्धिचाल संघले आयोजना गरेको जिल्लास्तरीय खुला बुद्धिचाल च्याम्पियनसिपको उपाधि गणेशमान दुवाल र मतिना कुसीले जितेका छन् । शनिबार छैटौं चरणमा निर्मल सुवाललाई पराजित गरेका गणेशमानले सातौं चरणमा शिवभक्त गाइजूसँग बराबरी खेल्दै ६.५ अंकसाथ जिल्ला च्याम्पियनको उपाधि जिते ।
विक्रम चोकामी दोस्रो र केशव मानन्धर तेस्रो भए । अनरेटेटतर्फ निर्मल सुवाल विजयी भए । महिला च्याम्पियन मतिनाले कविता र प्रिज्मा प्रजापतिलाई हराइन् । कविता दोस्रो, अंशुदिल प्रजापति तेस्रो र प्रिज्मा चौथो स्थानमा रहे ।
प्रतिक्रिया
