भारतको पूर्ण नियन्त्रण

पालेकेले (एएफपी) — अलराउन्डर हार्दिक पान्ड्याको आक्रामक शतक र कुलदीप यादवको चार विकेटको मदतले भारत श्रीलंकाविरुद्धको तेस्रो टेस्टको दोस्रो दिन आइतबार स्थिति पूर्ण नियन्त्रणमा लिन सफल रहेको छ ।

कुलदीपले प्रभावशाली बायाँ हाते रिस्ट–स्पिन बलिङ आक्रमण गर्दै श्रीलंकालाई उसको पहिलो इनिङ्समा १ सय ३५ रनमा अलआउट गर्न मदत गरे । 

यसअघि भारतले आफ्नो पहिलो इनिङ्समा ४ सय ८७ रनको ठूलो स्कोर खडा गरकेो थियो । तीन टेस्टको सिरिजमा क्लिन स्विप गर्ने अभियानमा रहेको भारतले श्रीलंकालाई फलो अन गर्न बाध्य पारेको थियो । दोस्रो दिनको खेल समाप्त हुँदा श्रीलंका एक विकेट गुमाएर १९ रनको स्थितिमा छ र अझै भारतको तुलनामा ३ सय ३३ रनले पछाडि छ । 

श्रीलंकाका लागि दिमुथ करुनारत्ने १२ रन बनाएर खेलिरहेका छन् । उनलाई शून्यमा नाइटवाचम्यान मलिन्दा पुष्पकुमाराले साथ दिइरहेका छन् । पेसम्यान उमेश यादवशले अर्का श्रीलंकाली प्रारम्भिक ब्याट्सम्यान उपुल थरन्गालाई आउट पारे ।

प्रकाशित : श्रावण २९, २०७४ १८:५७
प्रतिक्रिया
पठाउनुहोस्
ADVERTISEMENT
ADVERTISEMENT

बाढीपीडितलाई उद्योग बाणिज्य महासंघद्वारा एक करोड सहयोगको घोषणा

कान्तिपुर संवाददाता

काठमाडौं — वर्षाले मुलुकका विभिन्न स्थानमा पुर्‍याएको क्षतिबाट पीडितभएकाहरुलाई सहयोग पुर्‍याउन उद्योग बाणिज्य महासंघले एक करोड रुपैयाँ बराबरको सहयोग घोषणा गरेको छ । ​आइतबार एक प्रेस विज्ञप्ती जारी गर्दै नगद र जिन्सी गरी करिव एक करोड रुपैयाँ बराबरको सहयोग गर्ने घोषणा गरेको हो ।

वर्षाले मुलुकका विभिन्न स्थानमा पुर्‍याएको क्षतिबाट पीडितभएकाहरुलाई सहयोग पुर्‍याउन उद्योग बाणिज्य महासंघले एक करोड रुपैयाँ बराबरको सहयोग घोषणा गरेको छ ।

आइतबार एक प्रेस विज्ञप्ती जारी गर्दै नगद र जिन्सी गरी करिव एक करोड रुपैयाँ बराबरको सहयोग गर्ने घोषणा गरेको हो । ‘केहि दिनदेखि अविरलरूपमा परेको वर्षाका कारण मुलुकभर भएको ठूलो जनधनको क्षतिप्रति नेपाल उद्योग वाणिज्य महासंघ गहिरो दु:ख व्यक्त गर्दै विपत्तिमा परेका जनताको तत्काल सहयोगार्थ महासंघले आफ्ना सदस्य एवं अन्य संघ संस्थाहरूको समेत सहयोगमा नगद तथा जिन्सी गरी करिव १ करोड रुपैयाँ बराबरको सहयोगको घोषणा गरेको छ,’ महासंघद्वारा जारी विज्ञप्तीमा भनिएको छ ।

उक्त सहयोगमा, महासंघको तर्फबाट नगद १० लाख, नेपाल औषधि उत्पादक संघको तर्फबाट ५० लाख नगद बराबरको औषधि, नेपाली यूवा उद्यमी मञ्चबाट नगद तथा जिन्सी गरी १५ लाख, शंकर ग्रुपको तर्फबाट नगद तथा जिन्सी गरी ५ लाख, वागमती सफाई महाअभियानका तर्फबाट १० लाख नगद र अन्य संघ संस्थाबाट १० लाख गरी पहिलो चरणमा उक्त घोषणा भएको हो ।

‘साथै यसका लागि कार्य गर्न महासंघको सामाजिक सेवा फोरमका सभापति जय प्रसाद सिवाकोटीको संयोजकत्वमा १७ सदस्यीय बाढी पहिरो व्यवस्थापन कार्यदल २०७४ समेत गठन गरिएको छ,’ बिज्ञप्तीमा भनिएको छ । बाढी प्रभावित जनताको सहयोगार्थ महासंघले बैंक अफ काठमाडौंमा एफएनसीसीआई रिलिफ खाता संचालनमा ल्याएको जनाएको छ ।

‘विपत्तिमा परेका जनताहरूको सहयोगार्थ महासंघले संचालनमा ल्याएको बैंक अफ काठमाडौमा रहेको ०१२५०००००६३५ खातामा आ–आफ्नो क्षेत्रबाट नगद सहयोग गर्न महासंघ सवै सदस्य उद्योग वाणिज्य संघहरू, वस्तुगत संघहरू, द्विराष्ट्रिय उद्योग वाणिज्य संघहरू, एसोसिएट सदस्यहरु, उद्यमी व्यवसायीहरू, गैर आवासीय नेपाली संघ लगायत अन्य संघ संस्थाहरू समेत सवैमा हार्दिक अपिल गर्दछ,’ विज्ञप्तीमा भनिएको छ, ‘जुनसुकै बैंकबाट पनि महासंघको उक्त खातामा सहयोग रकम पठाउन सकिने छ ।’

प्रकाशित : श्रावण २९, २०७४ १८:५७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT